मुंबई : पेट्रोलियम कंपन्यांनी आज शुक्रवारी इंधन दर 'जैसे थे'च ठेवले. पेट्रोल आणि डिझेल दरात आज कोणताही बदल करण्यात आला नाही. गेल्या आठवड्यातील दरवाढीने पेट्रोलने ९० रुपयांचा टप्पा ओलांडला होता. या दरवाढीने सरकारविरोधात देशभरात आंदोलन झाले. मात्र त्यानंतर कंपन्यांनी वेट अँड वॉचची भूमिका घेतली. सलग चौथ्या दिवशी इंधन दर स्थिर ठेवण्यात आले. जागतिक बाजारात आज कच्च्या तेलाच्या किंमतीत किरकोळ वाढ झाली. तेलाचा भाव ०.४४ टक्क्यांनी वधारला. डब्ल्युटीआय क्रूडचा भाव प्रती बॅरल ४५.७२ डॉलर झाला आहे. तर ब्रेंट क्रूडचा भाव ०.४१ टक्क्यांनी वधारून ४९.०६ टक्के झाला. राजधानी दिल्लीत पेट्रोल ८४ रुपयांच्या समीप असून तो उच्चांकी स्तर आहे.आज मुंबईत पेट्रोलचा भाव एक लिटरसाठी ९०.३४ रुपये आहे. ८०.५१ रुपये आहे. दिल्लीत पेट्रोलने ८३ रुपयांचा टप्पा ओलांडला आहे. दिल्लीत पेट्रोलचा भाव ८३.७१ रुपये झाला आहे. डिझेलचा भाव ७३.८७ रुपये आहे. त्याशिवाय चेन्नईत देखील आज पेट्रोल आणि डिझेलमध्ये वाढ झाली आहे. पेट्रोलचा भाव ८६.५१ रुपये झाला असून डिझेल ७७.४४ रुपये झाले आहे. कोलकात्यात एक लिटर पेट्रोलचा भाव ८५.१९ रुपये असून डिझेल ७७.४४ रुपये आहे. जागतिक बाजारात कच्च्या तेलाच्या किमती ५० डॉलरच्या नजीक पोहोचल्याने मागील सहा दिवस पेट्रोलियम कंपन्यांनी इंधन दरवाढीचा सपाटा लावला होता. त्याआधी ४८ दिवस इंधन दर स्थिर ठेवले होते.
