न्यूयॉर्क: अमेरिकेच्या अध्यक्षपदी निवड झालेले जो बायडेन आणि उपाध्यक्षपदी निवडल्या गेलेल्या कमला हॅरिस यांची प्रतिष्ठित टाइम मॅगझिनने ‘२०२० ’ म्हणून निवड केली आहे. या दोघांनी अमेरिकेचे वर्तमान बदलले आहे. फूट पाडून रुजवल्या जाणाऱ्या संतापापेक्षा सहानुभूतीची शक्ती मोठी आहे आणि वंचितांच्या आयुष्यातील दु:ख दूर करण्यासाठीचा दृष्टिकोन बाळगणे महत्त्वाचे आहे, हा संदेश या दोघांच्या निवडीतून देत असल्याचे ‘टाइम’ने म्हटले आहे. दरवर्षी दिल्या जाणाऱ्या या प्रतिष्ठेच्या सन्मानासाठी करोना काळात अव्याहत सेवा देणारे आरोग्यसेवक, नॅशनल इन्स्टिट्यूट ऑफ अॅलर्जी अँड इन्फेक्शिअस डीसीजेसचे संचालक डॉ. अँथनी फाउसी, वंशभेदांविरोधात न्याय मिळवण्यासाठी सुरू असलेली चळवळ आणि अमेरिकेचे मावळते अध्यक्ष डोनाल्ड ट्रम्प हे ‘टाइम’च्या अंतिम यादीत होते. डोनाल्ड ट्रम्प यांनी गेल्या चार वर्षांमध्ये विघटन आणि विभाजनाला बळ दिले, तर बायडेन आणि हॅरिस यांनी हे देश कोणत्या दिशेने जात आहे हे दाखवून दिले. टिकून राहायची असेल तर वैविध्याचा धागा, जगण्याचे वेगवेगळे अनुभव आणि जागतिक दृष्टिकोन यांची सांगड घालणे आवश्यक आहे, असे टाइम प्रकाशनाकडून गुरुवारी स्पष्ट करण्यात आले. वाचा: ‘टाइम’कडून फाउसी, आरोग्यसेवक आणि वांशिक भेदांविरोधातील चळवळ यांना ‘२०२० गार्डियन्स ऑफ द इयर’ म्हणून जाहीर करण्यात आले. ‘झूम’चे सीईओ एरिक युवान यांना टाइम्स बिझनेस पर्सन ऑफ द इयर, कोरियाचा तरुणांमधील लोकप्रिय बँड ‘बीटीएस’ला ‘एंटरटेनर ऑय द इयर’, तर अमेरिकी बास्केटबॉलपटू लेब्रॉन जेम्स याला ‘अॅथलिट ऑफ द इयर’ म्हणून घोषित करण्यात आले आहे. वाचा: वाचा: भारतीय वंशाचे राहुल दुबेंचाही सन्मान भारतीय वंशाचे राहुल दुबे यांनाही टाइम ‘हिरोज ऑफ २०२०’ या यादीत स्थान मिळाले आहे. कृष्णवर्णीय नागरिक जॉर्ज फ्लॉइड याच्या मृत्यूनंतर झालेल्या निदर्शनांदरम्यान दुबे यांनी वॉशिंग्टनमधील आपल्या राहत्या घरी ७० आंदोलकांना आश्रय दिला होता. आपल्या कर्तव्यापलीकडे जाऊन काम केल्याबद्दल दुबे यांचा गौरव केल जात असल्याचे ‘टाइम’ने म्हटले आहे. दुबे यांनी या आंदोलकांना आश्रय दिल्यामुळे त्यांच्यावरील संचारबंदीचा भंग केल्याची संभाव्य कारवाई टळली होती.
