नव्या वर्षात घर खरेदी करताय ; गृह आणि वाहन कर्जावर 'या' बँंकेची सवलत

https://ift.tt/3pIWOJj

मुंबई : नव्या वर्षात घर तसेच कार खरेदी करण्याचा विचार असेल तर देशातील दुसरी मोठी सरकारी बँक असेलल्या पंजाब नॅशनल बँकेची फेस्टिवल बोनांझा ऑफर (pnb festival bonanza offer) चांगला पर्याय ठरु शकतो.नवीन वर्षात स्व:ताचे घर किंवा कार खरेदी करण्यासाठी इच्छुकांसाठी बँकेने फेस्टिवल बोनांझा ऑफर ' ३१ मार्च २०२१ पर्यंत वाढवली असून आता या ऑफरला 'पीएनबी न्यू इयर बोनांझा -२०२१ ' असे नाव देण्यात आले आहे . या सवलत योजनेअंतर्गत होम लोन, कार लोनवर प्रोसेसिंग चार्ज (प्रक्रिया शुल्क) तसेच डाॅक्युमेंट चार्ज आकारले जाणार नाही, असे बँकेने प्रसिद्ध केलेल्या निवेदनात म्हटलं आहे. 'पीएनबी'च्या देशातील कोणत्याही शाखेतून तसेच डिजिटल मंचावरुन या योजनेचा लाभ घेऊ शकतात. नवीन कर्ज किंवा टेकओव्हर लोन असल्यास त्यावरील प्रक्रिया शुल्क कमी करण्यात आली आहे, असे बँकेने म्हटलं आहे. फेस्टिवल बोनांझा ऑफर 'पीएनबी'ने सप्टेंबर २०२० मध्ये पहिल्यांदा जाहीर केली होती. सणासुदीमध्ये या योजनेला ग्राहकांनी चांगला प्रतिसाद दिला. किरकोळ कर्ज वितरणात वाढ झाल्याचे बँकेने म्हटलं आहे. मागील दोन महिन्यात स्थावर मालमत्ता क्षेत्रातील परिस्थिती सुधारली आहे. त्यामुळे सवलत योजनेला ३१ मार्च २०२१ पर्यंत मुदतवाढ देण्याचे बँकेने जाहीर केले. वाचा : पीएनबी बँकेकडून महिला कर्जदारांना अतिरिक्त ०.०५ टक्के व्याजदर सवलत दिली जाते. गृहकर्जावर बँकेकडून ०.३५ टक्के प्रक्रिया शुल्क आकारले जाते. बँकेचे प्रक्रिया शुल्क किमान २५०० ते १५००० रुपयांपर्यंत आहे. बँकेकडून ५ ते ३० वर्षे मुदतीसाठी गृहकर्ज दिले जाते. पंजाब नॅशनल बँकेचे गृहकर्ज व्याजदर पुढीलप्रमाणे (२९ डिसेंबर २०२० पर्यंतची आकडेवारी)

कर्ज रक्कम	गृहकर्ज दर	महिला कर्जदारांसाठी व्याजदर
३० लाखांपर्यंत	७.२० टक्के	७.१५ टक्के
३० ते ५० लाख	७.३५ टक्के	७.३० टक्के
५० लाख ते ७५ लाख	७.३५ टक्के	७. ३० टक्के
७५ लाखांहून अधिक	७.३५ टक्के	७. ३० टक्के

पंजाब नॅशनल बँकेचे कार लोनचे दर (Car Loan Rate) - बँकेचा कार लोनचा व्याजदर ८.७५ टक्के आहे. तर जुन्या कार खरेदीसाठी कर्जाचा दर ११.२० टक्के आहे. - बँकेकडून ७ वर्षे मुदतीसाठी कार लोन दिले जाते. - कार लोनवर १ टक्का किंवा ६००० रुपये प्रक्रिया शुल्क आकारले जाते. - कारच्या एकूण किंमतीच्या ८६ टक्क्यांपर्यंत कर्ज दिले जाते. - मुदतीपूर्वी कर्ज फेड केल्यास कोणतेही अतिरिक्त शुल्क वसूल केले जात नाही.