मेरठ: उत्तर प्रदेशातील मेरठमध्ये नात्यांना काळिमा फासणारी घटना घडली आहे. तरुणाने आपल्या काकीवर बलात्कार करण्याचा प्रयत्न केला. मात्र, काकीने प्रतिकार केल्याने त्याने चाकूने भोसकून तिची हत्या केली. घटना घडली त्यावेळी काकी घरात एकटीच होती. पोलिसांनी अवघ्या १२ तासांत या घटनेचा छडा लावला. आरोपीला अटक करण्यात आली आहे. त्याने गुन्ह्याची कबुली दिली आहे. या घटनेने कुटुंबीयांना मोठा मानसिक धक्का बसला आहे. पोलिसांच्या माहितीनुसार, आरोपीला आपल्या काकीसोबत अनैतिक संबंध ठेवायचे होते. याआधीही त्याने दोनदा महिलेसोबत अनैतिक संबंध ठेवण्याचे प्रयत्न केले होते. मात्र, त्यावेळी महिलेने विरोध केला. गुरुवारी तिची दोन्ही मुले कॉलेजला गेली होती. त्याचवेळी तरूण घरात घुसला. त्याने तिच्यावर केला. त्याला तिने जोरदार प्रतिकार केला. तसेच त्याच्या कानशिलात लगावली. या घटनेबाबत कुटुंबीयांना सांगेन असे ती म्हणाली. त्यावेळी त्याला राग अनावर झाला आणि त्याने चाकूने भोसकून तिची हत्या केली. आरोपीने काकीवर चाकूने वार केले. तिच्या मानेवर आणि शरीरावर गंभीर जखमा झाल्या. रक्तस्राव झाल्याने तिचा जागेवरच मृत्यू झाला. या घटनेनंतर आरोपी फरार झाला. या घटनेची माहिती मिळताच पोलीस तिथे पोहोचले. पोलिसांनी तपास सुरू केला. आरोपीला गावातूनच अटक केली. त्याची कसून चौकशी केली असता, त्याने गुन्ह्याची कबुली दिली.
