वॉशिंग्टन: प्रसिद्ध अर्थतज्ज्ञ यांनी अमेरिकेच्या अर्थमंत्रीपदाची शपथ घेतली आहे. उपराष्ट्रपती कमला हॅरीस यांनी त्यांना शपथ दिली. जेनेट येलेन ह्या अमेरिकेच्या इतिहासातील पहिल्या महिला अर्थमंत्री ठरल्या आहेत. सोमवारी सिनेटमध्ये अर्थमंत्रीपदी त्यांची नियुक्ती करण्याचा प्रस्ताव मंजूर करण्यात आला. त्याशिवाय अमेरिकेच्या परराष्ट्र मंत्री अँथोनी ब्लिंकन यांची नियुक्ती करण्याचाही प्रस्ताव मान्य करण्याता आला. जेनेट येलेन यांनी २०१४ ते २०१८ या दरम्यान अमेरिकेची केंद्रीय बँक फेडरल रिझर्व्हच्या गर्व्हनर म्हणून जबाबदारी पार पाडली आहे. त्याआधी त्या १९९७ ते १९९९ या कालखंडात व्हाइट हाउसच्या आर्थिक सल्लागार परिषदेच्या अध्यक्ष होत्या. फेडरल रिझर्व्हच्या त्या पहिल्या महिला गर्व्हनर होत्या. वाचा: सिनेटचे सदस्य चक शूमर यांनी सांगितले की, येलेन यांच्या नावावर दोन्ही पक्षांनी पाठिंबा दिला. त्यातूनच त्यांची स्वीकार्हता लक्षात येते. सध्याच्या कठीण काळात अर्थव्यवस्थेला उभारी देण्यासाठी त्या योग्य व्यक्ती असल्याचे त्यांनी म्हटले. अमेरिकेच्या परराष्ट्र खात्याची धुरा एंटनी ब्लिंकेन यांच्याकडे असणार आहे. ब्लिंकेन हे ओबामा यांच्या राष्ट्राध्यक्षपदाच्या कार्यकाळात राजनयिक अधिकारी होते. बायडन यांच्या निवडणूक प्रचार मोहिमेत त्यांनी परराष्ट्र धोरणाचे सल्लागार म्हणूनही काम केले. ब्लिंकेन हे कायम भारतासोबत मैत्रीपूर्ण संबंध असावेत या मताचे आहेत.
