नवी दिल्ली: हैदराबादचे खासदार आणि ऑल इंडिया मजलिस-ए-इत्तेहादुल मुस्लिमीनचे (AIMIM) प्रमुख यांनी राष्ट्रीय स्वयंसेवक संघाचे सरसंघचालक यांच्या 'हिंदू देशभक्त' या वक्तव्यावर तिखट प्रतिक्रिया दिली आहे. जर हिंदू देशभक्त असतात, तर मग महात्मा गांधी यांची हत्या करणारा याच्याबाबत आपले काय विचार आहेत?, असा प्रश्न ओवेसी यांनी विचारला आहे. यावर भागवत काय उत्तर देणार... गांधीजींचा खुनी गोडसेबाबत?, नेल्ली नरसंहारासाठी जबाबदार असलेल्या लोकांबाबत, १९८४ च्या शीख दंगलीबाबत आणि २००२ च्या गुजरात नरसंहाराबाबत?, असे प्रश्न ओवेसी यांनी ट्विट करत विचारले आहेत. ओवेसी पुढे लिहितात, 'भारतीयांचा धर्म कोणताही असो, ते देशभक्त आहेत असे मानने तर्कसंगत आहे. एका धर्माच्या लोकांना देशभक्तीची प्रमाण पत्र वाटली जातात, तर इतरांना आपल्याला येथे राहण्याचा हक्क आहे आणि आम्ही भारतीय असल्याचे म्हणण्याचा हक्क आहे हे संपूर्ण आयुष्यभर सिद्ध करत राहावे लागते' दिल्लीत एका पुस्तकाच्या प्रकाशन सोहळ्यात राष्ट्रीय स्वयंसेवक संघाचे सरसंघचालक मोहन भागवत यांनी 'हिंदू देशभक्त असतात' असे म्हटले होते. या पुस्तकात महात्मा गांधी यांना हिंदू देशभक्त असे म्हटलेले आहे. मोहन भागवत यांच्या याच वक्तव्यावर असदुद्दीन ओवेसी यांची ही प्रतिक्रिया आली आहे. क्लिक करा आणि वाचा- The Making of a True Patriot: Background of Gandhiji's Hind Swaraj असे त्या पुस्तकाचे नाव असून त्या लिहिले आहे की, 'महात्मा गांधी हे आमच्या काळातील सर्वात श्रेष्ठ असे हिंदू देशभक्त होते.' एक हजार पाने असलेले हे पुस्तक मुख्यत: महात्मा गांधी यांच्या १८९१ ते १९०९ दरम्यान लिहिलेल्या लेखांवर आधारित आहे. यात गुजराती भाषेत लिहिलेले त्यांचे हस्ताक्षर देखील आहे. हे पुस्तक सेंटर फॉर पॉलिसी स्टडीजचे संस्थापक-संचालक जे. के. बजाय आणि संस्थापक- अध्यक्ष एम. डी. श्रीनिवास यांनी लिहिले आहे. क्लिक करा आणि वाचा- क्लिक करा आणि वाचा-
