नवी दिल्ली : भारतात विरुद्ध लढण्यासाठी लशीला आपत्कालीन वापराची मंजुरी दिली जाऊ शकते. यासाठीच सरकारद्वारे गठीत तज्ज्ञांच्या समितीची आज महत्त्वाची बैठक होणार आहे. या बैठकीत तीन भारतीय लशींच्या आपत्कालीन वापरावर विचार-विनिमय केला जाणार आहे. या बैठकीत , आणि यांच्याकडून दाखल करण्यात आलेल्या करोना लशीच्या आपत्कालीन वापराच्या निवेदनावर पुन्हा एकदा ही समिती विचार करणार आहे. उल्लेखनीय म्हणजे, जागतिक आरोग्य संघटनेकडून (WHO) फायजर आणि बायोएनटेक यांच्या कोविड १९ लशीच्या आपत्कालीन वापराला गुरुवारी मंजुरी देण्यात आलीय. ऑक्सफोर्ड विद्यापीठाद्वारे विकसित करण्यात आलेली 'कोविशिल्ड' ही लस सीरम इन्स्टिट्युटद्वारे तयार करण्यात येतेय. तर अॅस्ट्रॅजेनेका आणि भारत बायोटेक या अग्रगण्य फार्मा कंपन्यांनी 'भारतीय वैद्यकीय संशोधन परिषदे'सोबत (ICMR) हातमिळवणी केली आहे. बुधवारी तज्ज्ञांच्या समितीसमोर या कंपन्यांनी प्रेझेन्टेशन सादर केलं होतं. तर फायजरकडून आपला डाटा सादर करण्यासाठी वेळेची मागणी करण्यात आलीय. तज्ज्ञांच्या विशेष समितीकडून लशीच्या वापराला मंजुरी मिळाली तर हे निवेदन पुढे मंजुरासाठी 'ड्रग्स कंट्रोलर जनरल ऑफ इंडिया' (DCGI) कडे पाठविण्यात येईल. याच महिन्यापासून लसीकरण सुरू करण्याची सरकारनं तयारीही केलीय. उद्यापासून अर्थात २ जानेवारीपासून देशभरात कोव्हिड १९ लसीकरणाचं ड्राय रन अर्थात रंगीत तालीम सुरू होतेय.
