मुंबई : जागतिक बाजारातील संकेतांच्या पार्श्वभूमीवर सोने आणि चांदीच्या किमतीत घसरण झाली. शनिवारी सोन्याचा भाव २० रुपयांनी घसरला आणि तो ४९६७८ रुपये झाला. एक किलो ४०४ रुपयांनी कमी झाला असून तो ६७५२० रुपये आहे. मल्टी कमॉडिटी एक्सचेंजवर शुक्रवारी बाजार बंद होताना सोन्याचा भाव ५०२३५ रुपये होता. त्यात ८४ रुपायांची वाढ झाली. जागतिक अर्थव्यवस्थेवर अजूनही करोनाचे संकट कायम आहे. युरोपात काही देशांनी लॉकडाउन जारी केला आहे. तर दुसऱ्या बाजुला ब्रिटनसह इतर देशांमध्ये करोना लसीकरण मोहीम सुरु केली आहे. जागतिक बाजारात मागील वर्षात सोने दरात सरासरी २५ टक्के वाढ झाली आहे. करोना संकट आणि लॉकडाउन या काळात सोने प्रचंड तेजीत होते. जागतिक बाजारात सोन्याचा भाव १८९४ डॉलर प्रती औंस आहे.तर चांदीचा भाव २६.५२ डॉलर आहे. good returns या वेबसाईटनुसार आज रविवारी मुंबईत २२ कॅरेट सोन्याचा भाव ४९०६० रुपये आहे. २४ कॅरेट सोन्याचा भाव ५००६० रुपये आहे. दिल्लीत २२ कॅरेट सोन्याचा भाव ४९०६० रुपये आहे. २४ कॅरेटसाठी तो ५३५१० रुपये आहे. चेन्नईत २२ कॅरेटसाठी ४७४९० रुपये असून २४ कॅरेटचा भाव ५१७९० रुपये आहे. कोलकात्यात २२ कॅरेट सोन्याचा भाव ४९६०० रुपये असून २४ कॅरेट सोन्याचा भाव ५२१९० रुपये आहे. शनिवारी सोन्याचा भाव ४९६७८ रुपये आहे. तर चांदीचा भाव ६७९२४ रुपये आहे. मल्टी कमॉडिटी एक्सचेंजवर शुक्रवारी बाजार बंद होताना सोन्याचा भाव ५०२३५ रुपये होता. त्यात ८४ रुपायांची वाढ झाली. एक किलो चांदीचा भाव ६८१२० रुपये होता. करोना प्रतिबंधात्मक लसीकरणासाठी आणखी काही काळ वाट पहावी लागणार आहे. त्यातच नव्या करोनामुळे अर्थव्यवस्थेसमोर संकट उभं राहील आहे. त्यामुळे या अनिश्चित काळात सोने गुंतवणूकदारांना तारणार आहे, असे कमॉडिटी विश्लेषकांना वाटते.
