मुंबई- गुजराती सिनेमातील प्रसिद्ध निर्माते, दिग्दर्शक, लेखक आणि अभिनेते यांचं शुक्रवारी नानावटी इस्पितळात निधन झालं. अरविंद यांचा मुलगा हाही अभिनेता असून गेली अनेक वर्ष हिंदी सिनेसृष्टीत कार्यरत आहे. एवढंच नाही तर जावई रोहित रॉय हाही टीव्ही जगतात प्रसिद्ध आहे. अरविंद जोशी हे त्यांच्या काळातील प्रसिद्ध खलनायक प्रेम चोप्रा यांचे व्याही होते. मिळालेल्या माहितीनुसार, गेल्या काही दिवसांपासून अरविंद यांची प्रकृती फारशी बरी नव्हती. वाढत्या वयाशी संबंधित समस्यांमुळे त्यांना नानावटी इस्पितळात दाखल करण्यात आलं होतं. डॉक्टरांच्या म्हणण्यानुसार वृद्धापकाळामुळे त्यांच्या अवयवांनी काम करणं बंद केलं होतं. त्यांना अतिदक्षता विभागात (आयसीयू) ठेवण्यात आले होते. पण, शुक्रवारी त्यांनी अखेरचा श्वास घेतला. अरविंद जोशी यांच्या पश्चात पत्नी आणि शरमन आणि मानसी असा परिवार आहे. मानसीने लोकप्रिय टीव्ही आणि सिनेअभिनेता रोहित रॉयशी लग्न केलं आहे. तर शरमनने प्रेम चोप्रा यांची मुलगी प्रेरणाशी केलं. अरविंद जोशी यांनी 'शोले' आणि 'इत्तेफाक' इत्यादी हिंदी सिनेमांमध्ये काम केलं आहे. जोशी कुटुंबातील बरेच लोक सिनेसृष्टीमध्ये सक्रिय आहेत. जोशी यांच्या कुटुंबियांच्या म्हणण्यानुसार, प्रसिद्ध अभिनेत्री केतकी दवे हिचाही त्यांच्या कुटुंबाशी संबंध आहे. याशिवाय अभिनेत्री सरिता जोशी यांच्याशीही त्यांचा जवळचा संबंध आहे. अरविंद जोशी यांनी गुजराती रंगभूमीवरून आपल्या कारकिर्दीची सुरूवात केली आणि हळूहळू सिनेमांमध्ये प्रवेश केला.
