म.टा. विशेष प्रतिनिधी, गोरेवाडा आंतरराष्ट्रीय प्राणिसंग्रहालयास यांचे नाव देताच उपराजधानीत बुधवारी तीव्र पडसाद उमटले. '' असे नाव देण्याच्या मागणीसाठी विविध घोषणा देत आदिवासी संघटना व विदर्भवाद्यांनी नामकरणास विरोध केला. राज्यातील महाविकास आघाडी सरकारने गोरेवाडा आंतरराष्ट्रीय प्राणिसंग्रहालयाला बाळासाहेब ठाकरे आंतरराष्ट्रीय प्राणी उद्यान असे नाव दिले. याबाबत आदेशही जारी केला. मुख्यमंत्री उद्धव ठाकरे यांच्या हस्ते येत्या २६ जानेवारी रोजी उद्घाटन होणार आहे. नामकरणाची घोषणा होताच, विविध संघटनांनी तीव्र विरोध केला. विविध आदिवासी संघटनांसह विदर्भ राज्य आंदोलन समितीच्या कार्यकर्त्यांनी गिरीपेठ येथील आदिवासी विकास विभागाच्या कार्यालयासमोर निदर्शने केली. संतप्त कार्यकर्त्यांनी सरकारच्या निर्णयाची होळी करून तीव्र भावना व्यक्त केल्या. वाचा: 'गोंडवाना आंतरराष्ट्रीय प्राणी उद्यान' असे नामकरण करण्याची मागणी मुख्यमंत्री उद्धव ठाकरे यांच्या नावे माजी महापौर माया इवनाते यांच्या नेतृत्वाखाली विविध संघटनांच्या प्रतिनिधींनी जिल्हाधिकाऱ्यांना दिलेल्या निवेदनात केली. वाचा: अखिल भारतीय आदिवासी विकास परिषदेचे अध्यक्ष दिनेश शेराम यांनी मुख्यमंत्री उद्धव ठाकरे यांना थेट झणझणीत पत्र लिहून विरोध केला व जिल्हाधिकाऱ्यांना निवेदन दिले. नाव न बदलल्यास येत्या २६ जानेवारी रोजी काटोल टोल नाका, गोरेवाडा रोडवर रस्ता रोको आंदोलन करण्याचा इशाराही परिषदेचे नेते स्वप्नील मसराम, राहुल मडावी, सुरेंद्र नैताम, प्रशांत मडावी, ज्योती आडे, रोशन यादव, लीना करणायके, ओम शेटे यांनी दिला. शिवसेनेने विदर्भाचा नेहमी विरोध केला आहे, अशी तोफ विदर्भ राज्य आंदोलन समितीचे मुख्य संयोजक राम नेवले यांनी डागली. त्यांच्या नेतृत्वाखाली गिरीपेठेतील आदिवासी विभागाच्या कार्यालयासमोर सरकारी आदेशाची होळी करण्यात आली. विदर्भवीर जांबुवंतराव धोटे, उमेश चौबे किंवा गोंडवाना नाव देण्याची मागणी आंदोलनकर्त्यांनी केली. आणखी किती जागांना नाव? बाळासाहेब ठाकरे यांच्या नावाला कुठेही, कधीही विरोध नसतो. परंतु, किती जागांना, किती ठिकाणी नाव देणार, याचा सरकारने निर्णय करावा, अशी भूमिका विधानसभेतील विरोधी पक्षनेते देवेंद्र फडणवीस यांनी मांडली. वाचा:
