नवी दिल्ली : काँग्रेस नेते राहुल गांधींचा एक यूट्यूब होताना दिसतोय. या व्हिडिओत राहुल गांदी तामिळनाडूच्या एका गावात स्थानिक रहिवाशांसोबत मशरुम बिर्याणी बनवताना आणि त्याचा आस्वाद घेताना दिसत आहेत. '' () नावाच्या यूट्यूब चॅनलवरून हा व्हिडिओ शेअर करण्यात आला आहे. २० जानेवारी रोजी अपलोड करण्यात आलेला हा व्हिडिओ आत्तापर्यंत ३५ लाखांहून अधिक वेळा पाहिला गेलाय. यावेळी, निळ्या रंगाचा शर्ट आणि काळ्या रंगाची पॅन्ट यांनी परिधान केलेल्या राहुल गांधी यांनी कुकिंग चॅनलच्या टीमसोबत आणि स्थानिकांसोबत अत्यंत साध्या पद्धतीनं राहुल गांधी यांनी जमिनीवर बसून या जेवणाचा आनंद घेतला. 'ऑल इंडिया काँग्रेस कमिटी'चे पुदुच्चेरी आणि तामिळनाडूचे इन्चार्ज दिनेश गुड्डू राव यांच्यासोबत राहुल गांधी इथे पोहचले होते. कुकिंग टीमसोबत बिर्याणी बनवण्यासाठी मदत करताना राहुल गांधी या व्हिडिओत दिसत आहेत. सोबतच बिर्याणीसाठी वापरण्यात आलेल्या पदार्थांची तामिळ भाषेतील नावंही राहुल गांधी उच्चारताना दिसत आहेत. स्थानिक आणि राहुल गांधी यांच्यात भाषेची देवाण-घेवाण व्हावी यासाठी एक महिला दुभाषी म्हणून काम करताना या व्हिडिओत दिसत आहेत. आपल्याला जेवण बनवण्याची आवड असल्याचंही राहुल गांधींनी या व्हिडिओत म्हटलंय. 'हा आमच्यासाठी मोठा दिवस आहे. राहुल गांधींनी आमची कुकिंग पाहिली आणि आम्हाला प्रोत्साहन दिलं. आज आम्ही परंपरागत रेसिपीसोबत मशरुम बिर्याण बनवली. राहुल गांधी यांनीही मशरुम बिर्याणीचा आनंद घेतला. हा क्षण आम्ही कधीही विसरणार नाही. ही संधी देण्यासाठी खूप खूप धन्यवाद राहुल गांधी सर' असं हा व्हिडिओ पोस्ट करताना यूट्यूब चॅनलच्या सदस्यांनी म्हटलंय. 'सॅम पित्रोडा माझे मित्र' भारतानंतर आता परदेशात जाऊनही कुकिंग करण्याचं आपलं स्वप्न असल्याचं कुकिंग टीमनं राहुल गांधींसमोर म्हटलं. यावेळी, राहुल गांधींनी त्यांना विचारलं की 'सर्वात अगोदर तुम्ही कोणत्या देशात जाऊ इच्छिता?' यावर 'यूएसए' असं उत्तर मिळालं. तेव्हा, 'यूएसमध्ये माझे मित्र सॅम पित्रोडा आहेत. मी त्यांना सांगून तुमची यूएस ट्रीप आखण्यात मदत करेन' असं राहुल गांधी यांनी आश्वासन देताना म्हटलंय. काँग्रेसचे माजी अध्यक्ष राहुल गांधी हे केरळच्या वायनाड मतदारसंघाचे खासदारही आहेत. मशरुम बिर्याणीचा व्हिडिओ व्हायरल झाल्यानंतर अनेक यूट्यूब युझर्सनं कमेंट करत राहुल गांधींना 'जमिनीशी जोडले गेलेले' नेते म्हणत कौतुक केलंय.
