मुंबई: राज्य सरकारनं विमान प्रवासाची परवानगी नाकारल्यानं राज्यपाल यांना आज विमानातून उतरावे लागल्याच्या प्रकारामुळं राजकीय वातावरण तापलं आहे. या प्रकाराचा भाजपच्या नेत्यांनी तीव्र निषेध केला असून महाविकास आघाडी सरकारवर जोरदार तोफ डागली आहे. उपमुख्यमंत्री यांना या संदर्भात प्रतिक्रिया दिली आहे. वाचा: कोश्यारी हे उत्तराखंडचे माजी मुख्यमंत्री आहेत. उत्तराखंडमध्ये जलप्रलय आल्याच्या पार्श्वभूमीवर आज ते तिकडे निघाले होते. मात्र, राज्य सरकारकडून विमान प्रवासाची परवानगी नसल्यानं त्यांना विमानातून उतरावं लागल्याची माहिती आहे. त्याबद्दल अजित पवार यांना विचारलं असता, 'मला याबद्दल काहीच माहिती नाही,' असं अजित पवारांनी सांगितलं. पवारांच्या या उत्तरानंतरही पत्रकारांकडून विचारणा होत असल्यानं त्यांचा पारा चढला. 'राज्यात इतक्या महत्त्वाच्या व्यक्तीबद्दल काही घडलं असेल तर मला आधी माहिती घ्यायला हवी. मला पूर्ण माहिती नसताना तुम्ही पुन्हा पुन्हा का विचारताय,' असा प्रश्न त्यांनी केला. 'मी लवकरच मंत्रालयात जाणार आहे. तिथं संबंधित अधिकाऱ्यांशी बोलणार आहे,' असंही त्यांनी सांगितलं. 'राज्यपालांचा अवमान कदापि केला जाणार नाही' 'राज्यपालांना महाराष्ट्र सरकारचे विमान वापरण्याची परवानगी नाही. त्यांनी परवानगी मागितली होती. मात्र, ते विमान उड्डाणास सक्षम आहे की नाही यासंदर्भात पुरेपूर माहिती नव्हती. त्यामुळं कदाचित त्यांना परवानगी दिली गेली नसेल. परवानगी नसताना प्रवास करणं तांत्रिकदृष्ट्या योग्य नाही. महाविकास आघाडी सरकारनं राज्यपालांचा नेहमीच आदर केला आहे. त्यांचा अवमान कदापिही होणार नाही, असं शिवसेनेचे खासदार यांनी स्पष्ट केलं. वाचा:
