: झारखंडच्या धनबादमध्ये गुन्हेगारीचे प्रमाण वाढत चालले आहे. दोन दिवसांपूर्वीच एका मुलीचे झाले होते. ही घटना ताजी असतानाच, भूलीमध्ये अशीच धक्कादायक घटना घडली आहे. डान्स क्लासहून परतणाऱ्या तरुणीचे अपहरण करण्यात आले. काही वेळाने अपहृत तिला बेशुद्धावस्थेत मैत्रिणीच्या घराबाहेर फेकून अपहरणकर्ते पसार झाले. मिळालेल्या माहितीनुसार, तरूणी डान्स क्लासहून घरी परतत होती. घरापासून काही अंतरावरच ती रिक्षातून उतरली. त्याचवेळी काही जणांनी तिचे अपहरण केले. अपहरणकर्ते कारमधून आले होते. तरुणीला घेऊन ते भूली बाह्यवळण रस्त्यावरून ते फरार झाले. घरातील सदस्यांच्या म्हणण्यानुसार, डान्स क्लासहून निघताना मुलीने फोन करून रिक्षाने येत असल्याचे सांगितले होते. नेहमीप्रमाणे घरातील व्यक्ती तिला घेण्यासाठी घरापासून काही अंतरावर असलेल्या रस्त्यावर उभी होती. त्याचवेळी ही घटना घडली. अपहरणकर्ते आणि कुटुंबीयांमध्ये धक्काबुक्कीही झाली. तरुणीच्या कुटुंबीयांनी अपहरणकर्त्यांना रोखण्याचा प्रयत्नही केला. पण ते कारमधून पसार झाले. काही वेळाने अपहृत तरुणीला तिच्या मैत्रिणीच्या घराबाहेर फेकून आरोपी पसार झाले. अपहरणकर्ता निघाला पीडितेचा शेजारी अपहरणकर्ता हा पीडितेचा शेजारीच निघाला. दीपक वर्मा असे त्याचे नाव आहे. तरुणी जखमी झाली असून, तिला मोठा मानसिक धक्का बसला आहे. तिला उपचारासाठी स्थानिक रुग्णालयात दाखल करण्यात आले. या घटनेची माहिती पोलिसांना देण्यात आली. काही वेळाने तरुणी शुद्धीवर आली. कुणीतरी तिच्या डोक्यात जड वस्तूने प्रहार केला. त्यामुळे बेशुद्ध झाले, असे तिने पोलिसांना सांगितले. पोलीस या घटनेचा तपास करत आहेत.
