म. टा. प्रतिनिधी, 'दिवंगत पंतप्रधान इंदिरा गांधी यांच्यावर आणीबाणी जाहीर केल्याबद्दल टीका करणारे सध्याच्या आणीबाणीसदृश परिस्थितीवर बोलत नाहीत. सरकारविरोधात 'ब्र' उच्चारला, तरी लगेच गुन्हा दाखल केला जातो, अशा परिस्थितीत लोकशाहीच्या रक्षणासाठी सर्वांनी सज्ज व्हावे,' असे आवाहन राज्यसभेच्या खासदार अॅड. यांनी केले. वाचा: शेतकरी आंदोलनाच्या समर्थनार्थ पुणे महापालिकेच्या माजी महापौरांच्या सभेत त्या बोलत होत्या. शेतकऱ्यांचे नेते व स्वातंत्र्यसेनानी सर छोटूराम यांच्या स्मृतिदिनानिमित्त मंगळवारी 'शेतकरी सन्मान दिवस' पाळण्याचे आवाहन कृषी कायद्यांविरोधात आंदोलन करणाऱ्या 'संयुक्त किसान मोर्चा'ने केले होते. त्याला प्रतिसाद देऊन पुण्यातील शेतकरी बचाव संयुक्त कृती समितीच्या वतीने पुणे महापालिकेतील महात्मा जोतिबा फुले यांच्या पुतळ्याच्या पायथ्याशी ही सभा घेण्यात आली. वाचा: या वेळी चव्हाण यांच्यासह अंकुश काकडे, शांतिलाल सुरतवाला, कमल व्यवहारे, राजलक्ष्मी भोसले, वैशाली बनकर, रजनी त्रिभुवन, दत्ता धनकवडे हे माजी महापौर, तर अभय छाजेड, श्याम देशपांडे हे स्थायी समितीचे माजी अध्यक्ष; तसेच माजी नगरसेवक प्रशांत बधे, शिवसेनेचे पदाधिकारी राजेंद्र शिंदे, जनता दल धर्मनिरपेक्षचे शहराध्यक्ष विठ्ठल सातव, आम आदमी पक्षाचे प्रवक्ते डॉ. अभिजित मोरे, शेतकरी कामगार पक्षाचे शहराध्यक्ष सागर आल्हाट, समितीचे निमंत्रक नितीन पवार आदी उपस्थित होते. वाचा:
