: अपहरण करीत पंधरावर्षीय मुलीला डांबून तिच्यावर अत्याचार करणाऱ्या फेसबुक फ्रेण्डला यशोधरानगर पोलिसांनी अटक केली. त्याला सक्करदरा पोलिसांच्या स्वाधीन केले. सूर्या ऊर्फ दत्त्या बाबुराव जांभुळकर (वय १९, आजरी- माजरी, पार्वतीनगर) असे अटकेतील युवकाचे नाव आहे. ही मुलगी आजीसोबत सक्करदरा भागात राहाते. सूर्या हा तिचा आहे. ३ मार्चला मुलीच्या आजीच्या नणंदेची प्रकृती खालावली. तिला मेडिकल कॉलेज हॉस्पिटलमध्ये दाखल करण्यात आले. नणंदेला बघण्यासाठी सायंकाळी आजी मेडिकलमध्ये गेली. मुलगी घरी एकटीच होती. यावेळी सूर्या मुलीच्या घरी आला. 'तुझ्या आजीने बोलाविले आहे', असे सांगून सूर्या तिला मोटारसायकलने माजरी भागात घेऊन गेला. तेथे एका झोपडीत ठार मारण्याची धमकी देऊन अत्याचार केला. दरम्यान, मुलीने आजीच्या मोबाइलवर संपर्क साधला. आजीने सूर्याला मुलीला सोडण्याची विनवणी केली. सूर्याने नकार देत आजीलाही ठार मारण्याची धमकी दिली. मुलीने कशीबशी सूर्याच्या तावडीतून सुटका केली व घरी गेली. शनिवारी रात्री आजीसह सक्करदरा पोलिस स्टेशन गाठत तक्रार दिली. पोलिसांनी सूर्याविरुद्ध अत्याचारासह विविध कलमान्वये गुन्हा दाखल केला. त्याला तत्काळ अटक करण्याचे निर्देश पोलिसांना देण्यात आले. पोलिसांनी सूर्याचा शोध सुरू केला. तो माजरी परिसरात असल्याची माहिती यशोधरानगर पोलिस स्टेशनचे वरिष्ठ पोलिस निरीक्षक अशोक मेश्राम यांना मिळाली. मेश्राम, निरीक्षक राजेंद्रकुमार सानप, उपनिरीक्षक श्रीनिवास दराडे, भार्गव, मनीष भोसले, शोएब शेख, नितेश, राजकुमार प्रसन्नजित यांनी सापळा रचून सूर्याला अटक केली. त्याला सक्करदरा पोलिसांच्या स्वाधीन केले. सूर्याविरुद्ध गंभीर स्वरूपाचे आठ गुन्हे दाखल आहेत.
