तेहरान: इराणमध्ये विमान अपहरणाचा डाव उधळण्यात आला आहे. इराणच्या रिवोल्यूशनरी गार्डने ही माहिती दिली. गुरुवारी ही घटना घडली. विमानाने उड्डाण घेतल्यानंतर एकाने विमान अपहरण करण्याचा प्रयत्न केला. या विमानात १०० प्रवासी होते. हे विमान अहवाज शहरातून मशहाद शहराकडे जात होते. अधिकाऱ्यांनी दिलेल्या माहितीत, अपहरणकर्त्याची ओळख जाहीर करण्यात आली नाही. ' एअर'च्या विमानाची इस्फहान शहरात एमर्जन्सी लँडिंग करण्यात आली. या वेळी विमानात १०० प्रवासी होते. अपहरणकर्त्याने बनावट बंदूक आणि स्फोटकांच्या आधारे विमान अपहरणाचा प्रयत्न केला असल्याचीही चर्चा सुरू आहे. वाचा: या विमानाने रात्री १० वाजून १० मिनिटांने अहवाज विमानतळावरून उड्डाण केले. नियोजित वेळेपेक्षा १० मिनिटे उशिराने विमानाने उड्डाण केले. अपहरणकर्त्याला हे विमान पर्शियन खाडीजवळील किनाऱ्याजवळील भागात लँड करायचे होते अशी माहिती अधिकाऱ्यांनी दिली. इराणच्या अधिकाऱ्यांनी कोणत्याही देशाचे नाव घेतले नसले तरी बहरीन, सौदी अरेबिया आणि संयुक्त अरब अमिरात या देशांकडे संशयाची सुई वळवली. मागील काही महिन्यांपासून अमेरिका आणि इराणमध्ये तणाव सुरू असून आखाती देशांसोबतही इराणचे संबंध तणावाचे आहेत. वाचा: विमान अपहरणाचा प्रत्यन करणाऱ्या आरोपीला अटक करण्यात आली आहे. विमानातील सर्व प्रवासी सुखरूप असून कोणीही जखमी झाले नाहीत. सर्व प्रवाशांना इतर विमानाने इच्छित स्थळी पाठवण्यात आले.
