पॅरिस: फ्रेंच अब्जाधीश व्यावसायिक ऑलिव्हियर डसॉल्ट यांचे हेलिकॉप्टर अपघातात निधन झाले आहे. फ्रान्सचे अध्यक्ष इमॅन्युएल मॅक्रॉन यांनी त्यांच्या निधनावर शोक व्यक्त केला आहे. डसॉल्ट यांची कंपनी लढाऊ विमानही बनवते. ऑलिव्हियर डसॉल्ट हे फ्रान्सच्या संसदेचे सदस्यही होते. फ्रेंच उद्योगपती सर्ज डसॉल्ट यांचा मोठा मुलगा आणि दासोचे संस्थापक मार्केल डसाऊ यांचे नातू होते. ऑलिव्हियर डसॉल्ट हे ६९ वर्षांचे होते. या अपघातात त्यांच्यासह पायलटचाही मृत्यू झाला आहे. वाचा: राजकीय कारणे आणि हितसंबंधाचा संघर्ष टाळण्यासाठी त्यांनी डसॉल्ट कंपनीच्या संचालक मंडळातून आपले नाव मागे घेतले होते. फोर्ब्सने जाहीर केलेल्या २०२० मधील सर्वात श्रीमंत व्यक्तीच्या यादीत ऑलिव्हियर डसॉल्ट हे त्यांचे दोन भाऊ व बहिणीसह ३६१ व्या स्थानी होते. मिळालेल्या माहितीनुसार, ऑलिव्हियर डसॉल्ट हे रविवारी सुट्टीसाठी गेले होते. त्यावेळी त्यांचे खासगी विमान नॉर्मंडी अपघातग्रस्त झाले. वाचा: एव्हिएशन कंपनीशिवाय डसॉल्ट ग्रुपकडे 'ली फिगारो' या वृत्तपत्राची मालकीदेखील आहे. ऑलिव्हर डसॉल्ट हे २००२ मध्ये फ्रान्सच्या संसदेत निवडून गेले होते. रिपब्लिकन पक्षाचे सदस्य असलेल्या ऑलिव्हर डसॉल्ट यांची संपत्ती सुमारे ७.३ अब्ज अमेरिकन डॉलर आहे.
