पॅरिस: चीनमधील वुहान शहरात आढळलेला विषाणू सतत नवीन रूप धारण करीत आहे. ब्रिटन, ब्राझील आणि दक्षिण आफ्रिकेमध्ये आढळलेल्या स्ट्रेननंतर आता आणखी एक नवा स्ट्रेन आढळला आहे. फ्रान्समध्ये हा स्ट्रेन आढळला असून नाकातून घेण्यात येणाऱ्या स्वॅब चाचणीतही हा विषाणू आढळून येत नाही. ब्रिटनी प्रांतात ७९ नवीन प्रकरणे समोर आली असून यातील आठजणांमध्ये नवा स्ट्रेन आढळला आहे. तर, अनेकांची असल्याची माहिती फ्रान्सच्या आरोग्य मंत्रालयाने दिली आहे. ज्या रुग्णांची करोना चाचणी निगेटिव्ह आली, त्यांच्यात करोना विषाणूची लक्षणे आढळून आली होती. याआधीही चाचणीत करोना विषाणू आढळून आला नसल्याची अनेक प्रकरणे समोर आलीत. फिनलँडच्या संशोधकांनी यापूर्वी Fin-796H हा स्ट्रेन आढळला असल्याचे जाहीर केले होते. हा स्ट्रेन करोना चाचणीतही आढळून येत नाही. युरोपमध्ये वेगाने फैलावत असताना आता चाचणीतही आढळून न येणारा स्ट्रेन समोर आल्यामुळे प्रशासनाची चिंता वाढली आहे. वाचा: फ्रान्सच्या आरोग्य मंत्रालयाने दिलेल्या माहितीनुसार, जेनेटिक सिक्वेसिंगने खुलासा झाला की, ब्रिटनीमध्ये आढळलेला स्ट्रेनच्या स्पाइक प्रोटीनमध्ये अनेकदा म्युटेशन झाले आहे. यामुळे नाकातून स्वॅब चाचणी केल्यानंतर ही करोनाचा विषाणू आढळून येत नाही. दरम्यान,पीसीआर चाचणीत नवीन स्ट्रेन आढळून येत असल्याची घोषणा युरोपीयन कंपनी नोवाकयट ग्रुपने केली आहे. वाचा: वाचा: दरम्यान, जागतिक आरोग्य संघटनेच्या आकडेवारीनुसार जानेवारी महिन्यात करोनाचा संसर्ग उच्चांकावर होता. त्यावेळी दर आठवड्याला ५० लाख बाधितांची नोंद करण्यात येत होती. मात्र, फेब्रुवारी महिन्याच्या मध्यावर त्यामध्ये घट झाली. ही संख्या २५ लाख इतकी झाली होती. जागतिक आरोग्य संघटनेनुसार, मागील आठवड्यात सलग तिसऱ्या आठवड्यात संसर्गाच्या दरात घट झाल्यानंतर पुन्हा एकदा त्यात वाढ होत असल्याचे समोर आले आहे. मागील आठवड्यात आढळलेली नवीन करोनाबाधित आणि मृतांची ८० टक्के प्रकरणे ही अमेरिका आणि युरोपमधील आहेत.
