मुंबई- हॉलिवूडची प्रसिद्ध अभिनेत्री आणि निर्माती पुन्हा एकदा चर्चेत आली आहे. २०१६ साली अँजेलिना आणि यांचा घटस्फोट झाला होता. घटस्फोटाच्या पाच वर्षानंतर अँजेलिनाने पतीविरोधात न्यायालयात याचिका दाखल केली आहे. त्यात तिने ब्रॅडवर घरगुती हिंसाचाराचे गंभीर आरोप केले आहेत. अँजेलिनाच्या म्हणण्यानुसार, घटस्फोटाच्या सुनावणीदरम्यान ब्रॅडने तिच्यासोबत हिंसाचार केला होता आणि तिला मारहाण केली होती. तिच्याकडे या मारहाणीचे पुरावेदेखील असल्याचं म्हणणं आहे. १२ मार्च रोजी अँजेलिनाने ब्रॅडविरुद्ध न्यायालयात याचिका दाखल केली आहे. सूत्रांच्या माहितीनुसार अँजेलिना या प्रकरणासंबंधीचे पुरावे सगळ्यांसमोर आणण्यासाठी ती तयार आहे. न्यायालयाला देण्यात आलेल्या कागदपत्रांनुसार, अँजेलिनाने या प्रकरणात तिच्या मुलांची साक्ष देण्याची तयारी दर्शवली आहे. अँजेलिना आणि ब्रॅड यांना सहा मुलं आहेत. एका वर्तमानपत्राने प्रसिद्ध केलेल्या वृत्तानुसार, अँजेलिनाने मागील साडे चार वर्षात ब्रॅड विरुद्ध अनेक तक्रारी केल्या. काही काळाने त्या सर्व तक्रारी खोट्या असल्याचं सिद्ध झालं. यापूर्वीही अँजेलिनाने ब्रॅडविरोधात मुलांचा वापर करण्याचा प्रयत्न केला होता. ब्रॅडची प्रतिमा खराब करण्यासाठी हा सर्व प्रकार केला जात असल्याचं त्यांचं म्हणणं आहे. अँजेलिना आणि ब्रॅड २००४ पासून एकमेकांना डेट करत होते. त्यांनी 'मिस्टर अँड मिसेस स्मिथ' या चित्रपटात एकत्र काम केलं आहे. सप्टेंबर २०१४ साली त्यांनी एकमेकांशी विवाह केला आणि लग्नाच्या दोन वर्षातच ते एकमेकांपासून वेगळे झाले. २०१९ मध्ये दोघांनी आपण कायदेशीररित्या वेगळे झाल्याची घोषणा केली होती. अँजेलिनाच्या मते त्यांच्या नात्यात अशा काही गोष्टी आणि मतभेद होते ते ठीक होण्यापलीकडचे होते.
