अहमदनगर: ‘करोना रुग्णांवर उपचारासाठी आवश्यक असलेले इंजेक्शन बारामतीमध्ये सहज मिळते, मात्र जामखेडमध्ये ते मिळत नाही. येथील रुग्णांची हेळसांड होण्यास राज्य सरकारच जबाबदार आहे,’ असा आरोप भाजपचे माजी मंत्री प्रा. यांनी केला. बारामतीच्या तुलनेत जामखेडला कमी लक्ष दिले जात असल्याचा उल्लेख करून त्यांनी राष्ट्रवादीचे आमदार यांच्यावर नाव न घेता निशाणा साधाला आहे. ‘ग्रामीण रुग्णालय आणि केंद्र व राज्य सरकारच्या मदतीवर चालणाऱ्या डॉ. आरोळे कोविड केअर सेंटरच्या बाहेर एकट्या आमदाराचे फोटो कसे?’ असा प्रश्नही त्यांनी उपस्थित केला. ( Targets over Shortage of in Jamkhed) वाचा: कर्जत-जामखेडमधील करोना परिस्थितीचा शिंदे यांनी आढावा घेतला. ठिकठिकाणी भेटी देऊन पाहणीही केली. त्यानंतर प्रसार माध्यमांशी त्यांनी संवाद साधला. ते म्हणाले, ‘या मतदारसंघातील करोनाची परिस्थितीत गंभीर बनली आहे. आपण दिलेल्या भेटीत बऱ्याच गंभीर गोष्टी समोर आल्या आहेत. प्रत्येक हॉस्पिटलमध्ये बेड शिल्लक आहेत. मात्र, ऑक्सिजनचा पुरवठा होत नाही. रेमडेसिवीर इंजेक्शनचा तुटवडा निर्माण झाला आहे. ते इंजेक्शन बारामतीत मिळते ते जामखेडमध्ये का नाही? इंजेक्शन मिळत नसल्याने कित्येक रुग्णांना जीव गमवावा लागत आहे. याला जबाबदार येथील लोकप्रतिनिधी व राज्य सरकार हेच आहेत. त्यांची ही जबबादारी असूनही याकडे दुर्लक्ष केले जाते आहे. अशा पद्धतीने लोकांच्या जीवाशी खेळणे बरोबर नाही. प्रशासनात समन्वय ठेवून या सुविधा मिळवून द्यायला हव्यात. मात्र, प्रशासनात ताळमेळ दिसत नाही. रुग्णांचे, मृत्यूचे नेमके आकडे, उपाययोजनांची परिस्थिती याची नेमकी माहिती दिली जात नाही. याचा अर्थ काही तरी लपवाछपवी सुरू असल्याचा संशय येतो.’ वाचा: जामखेडमधील आरोळे प्रकल्पातील कोविड केअर सेंटरची राज्यभर चर्चा सुरू आहे. रेमडेसिवीरचा वापर कमी करून अन्य औषधांच्या आधारे उपचार करण्याचा डॉ. रवी व डॉ. शोभा आरोळे यांच्या पद्धतीचा गौरव केला जात आहे. या कोविड सेंटरसंबंधी बोलताना प्रा. शिंदे म्हणाले, ‘डॉ. आरोळे गेल्या वर्षभरापासून या कोविड केअर सेंटरच्या माध्यमातून सेवा देत आहेत. त्यांना केंद्र व राज्य सरकारच्या माध्यमातून मदत केली जाते. मात्र स्थानिक लोकप्रतिनिधींनी आपला स्वत:चा फोटो असलेला फ्लेक्स या सेंटरबाहेर लावला आहे. या सेंटरला जर सरकारची मदत मिळत असेल तर तेथे पंतप्रधान, मुख्यमंत्री, उपमुख्यमंत्री यांचेही फोटो हवे होते. मात्र, येथील लोकप्रतिनिधी प्रसिद्धीसाठी हापापलेले असल्याने त्यांना याचे भान राहिले नाही. स्वत:चा फोटो लावायचा होता तर जामखेडला स्वखर्चाने कोविड केअर सेंटर उभे करायचे होते,’ असा टोलाही शिंदे यांनी पवार यांचे नाव न घेता लगावला. वाचा:
