म. टा. विशेष प्रतिनिधी, मुंबई राज्यात आल्यास त्यात लहान मुलांना सर्वाधिक संसर्ग होण्याची शक्यता वैद्यकीय तज्ज्ञांकडून व्यक्त करण्यात येत आहे. सध्याच्या घडीला दुसरी लाट ओसरू लागली असली, तरी राज्यात आतापर्यंत शून्य ते २० या वयोगटातील सहा लाख मुलांना करोनाची लागण झाल्याचे दिसून आले आहे. सरकारने दिलेल्या अहवालानुसार, शून्य ते १० वर्षे वयोगटातील एक लाख ८२ हजार ४१, तर ११ ते २० वर्षे वयोगटातील चार लाख १९ हजार ६५९ मुलांना आतापर्यंत करोनाची बाधा झाली आहे. राज्यात आतापर्यंत साडे अठ्ठावन्न लाख व्यक्तींना झाल्याचे वैद्यकीय विश्लेषणामध्ये स्पष्ट करण्यात आले आहे. मुलांमध्ये करोनाचा संसर्ग झाला, तरी ९५ टक्के मुले ही घरगुती स्वरूपाच्या, योग्य निगराणीमध्ये बरी होतील, मात्र या मुलांमध्ये होणारे बदल तसेच कोणतीही तीव्र लक्षणे दिसली, तर त्याची नोंद त्वरित डॉक्टरांकडे करण्याचे निर्देश डॉ. विजय येवले यांनी प्रशिक्षण कार्यक्रमादरम्यान दिले आहेत. डॉक्टर तसेच आरोग्य कर्मचाऱ्यांनी पालकांना याबाबत आश्वस्त करावे, असेही सरकारने स्पष्ट केले आहे. दुसऱ्या लाटेमध्ये कुटुंबातील ज्येष्ठ तसेच तरुण सदस्यांना संसर्गाचा धोका अधिक होता, त्यामुळे काही मुलांना संसर्ग होऊन गेला आहे, असे बालरोगतज्ज्ञ डॉ. ए. एम. मोहन यांनी स्पष्ट केले. ज्या मुलांना करोनाचा संसर्ग झाला आहे, त्यांच्यामध्ये तीव्रता किती होती, याचा अभ्यास करणेही गरजेचे असल्याचे त्यांनी सांगितले. सध्या उपचाराधीन असलेल्या रुग्णांपैकी राज्यात आयसीयूबाहेर ऑक्सिजनवर असलेल्या रुग्णांचे प्रमाण हे ३१ टक्के असून अत्यवस्थ रुग्णांचे प्रमाण १७ टक्के आहे. लक्षणे असलेल्या, नसलेल्या तसेच आजारातून बरे होत असलेल्या रुग्णांचे प्रमाण ५२ टक्के नोंदवण्यात आले आहे. १८ टक्के नमुने पॉझिटिव्ह राज्यात करोनाबाधितांमध्ये महिलांचे प्रमाण ४० टक्के, तर पुरुषांचे प्रमाण ६० टक्के आहे. एकूण चाचण्यांपैकी १८ टक्के नमुने हे पॉझिटिव्ह, तर ८२ टक्के नमुने निगेटिव्ह असल्याचे दिसून आले. सरकारी प्रयोगशाळांमधील चाचण्यांमध्ये १४.८४ टक्के नमुने पॉझिटिव्ह, तर ८५.१६ टक्के नमुने निगेटिव्ह आले. खासगी प्रयोगशाळांमध्ये हे प्रमाण अनुक्रमे २२.०७ टक्के आणि ७७.९३ टक्के असे आहे. वयोगटानुसार टक्केवारी वयोगट रुग्णसंख्या टक्केवारी शून्य ते दहा १,८२,०४१ ३.११ ११ ते २० ४,१९,६५९ ७.१७ २१ ते ३० १०,५२,१०७ १७.९८ ३१ ते ४० १३,०७,५८० २२.३५ ४१ ते ५० १०,५३,३८३ १८ ५१ते ६० ८,५६,०१० १४.६३ ६१ ते ७० ५,९६,११३ १०.१९ ७१ ते ८० २,८८,६१६ ४.९३ ८१ ते ९० ८१,८९० १.४० ९१ ते १०० ११,६५५ ०.२०
