वृत्तसंस्था, कोलकाता : नव्या माहिती तंत्रज्ञान कायद्याच्या अंमलबजावणीवरून आणि ''मध्ये सुरू असलेल्या संघर्षाच्या पार्श्वभूमीवर पश्चिम बंगालच्या मुख्यमंत्री यांनी गुरुवारी मोदी सरकारला फटकारले. 'ट्विटर'वर नियंत्रण ठेवण्याचे प्रयत्न फोल ठरल्याने केंद्र सरकारकडून या मायक्रोब्लॉगिंग प्लॅटफॉर्मला चिरडण्याचा प्रयत्न सुरू असल्याचा आरोप त्यांनी केला. आपल्या सरकारलादेखील केंद्र सरकारकडून तशीच वागणूक मिळत असल्याचा दावा ममता बॅनर्जी यांनी पत्रकारांशी बोलताना केला. त्या म्हणाल्या, 'मी याचा निषेध करते. त्यांना 'ट्विटर'वर नियंत्रण मिळवता आले नाही, त्यामुळे ते त्यांना चिरडण्याचा प्रयत्न करीत आहेत. ज्यांच्यावर नियंत्रण मिळवणे अशक्य असते, त्या प्रत्येकाच्या बाबतीत ते (केंद्र सरकार) असेच करतात. ते माझ्यावर नियंत्रण ठेऊ शकले नाहीत, त्यामुळे ते आता माझे सरकार चिरडण्याचा प्रयत्न करीत आहेत.' २६ मेपासून अंमलात आलेल्या नियमांचे पालन करण्याचे टाळल्यामुळे 'ट्विटर'ने भारतात मध्यस्थ समाज माध्यमाचा दर्जा गमावल्याचे मानले जात असून यापुढे कोणाच्याही आक्षेपार्ह पोस्टसाठी भारतीय दंडविधानानुसार 'ट्विटर'ला जबाबदार धरण्यात येईल. प. बंगालमध्ये सुरू असल्याचे भाजपचे आरोप तथ्यहीन असल्याचे मुख्यमंत्री बॅनर्जी यांनी सांगितले. एक-दोन तुरळक घटना घडल्या असतील; पण त्यांना राजकीय हिंसाचाराचे लेबल लावता येणार नाही, असेही त्या म्हणाल्या. वरिष्ठ अधिकाऱ्याची 'टूलकिट'प्रकरणी चौकशी 'ट्विटर' इंडियाचे व्यवस्थापकीय संचालक यांची दिल्ली पोलिसांनी गेल्या महिन्यात ''प्रकरणी चौकशी केली होती, असे एका वरिष्ठ अधिकाऱ्याने गुरुवारी सांगितले. चौकशीतील तपशील या अधिकाऱ्याने उघड केला नाही; परंतु 'ट्विटर' वापरकर्त्याच्या ट्वीटला 'मॅनिपुलेटेड मीडिया' असा टॅग लावण्यासंबंधीचे कंपनीचे धोरण काय आहे, याबाबत पोलिस पथकाने ३१ मे रोजी बेंगळुरू येथे जाऊन महेश्वरी यांनी विचारणा केल्याचे त्यांनी सांगितले. 'ट्विटर'ने भाजपनेते संबित पात्रा यांच्या एका ट्वीटवर असा टॅग लावला होता. करोनालढ्याबाबत पंतप्रधान नरेंद्र मोदी यांची प्रतिमा खराब करण्यासाठी काँग्रेसने टूलकिट बनवल्याचा आरोप पात्रा यांनी ट्वीटमध्ये केला होता.
