नवी दिल्ली : भारतामध्ये करोना प्रतिबंधक लसीकरणामध्ये सध्या तीन दिली आहे. आणि या दोन लशींना कधी मान्यता मिळणार याविषयी उत्सुकता आहे. नियमांमध्ये बदल केंद्र सरकारने परदेशातील लशींविषयीच्या नियमांमध्ये नुकताच बदल केलेला आहे. लसीकरणाचा वेग वाढवून, जास्तीत जास्त नागरिकांना लस देण्याच्या दृष्टीने हा बदल करण्यात आला आहे. यामध्ये देशामध्ये वैद्यकीय चाचण्या करण्याच्या नियमात बदल करण्यात आला आहे. त्यामुळे, फायझर आणि मॉडर्ना या लशींना परवानगी मिळू शकते. जुलैच्या अखेरपर्यंत फायझरच्या लशी भारतामध्ये उपलब्ध होतील; तर, मॉडर्नाच्या लशी भारतामध्ये उपलब्ध होण्यास काही कालावधी जाऊ शकतो, असे सांगितले जाते. साठवणुकीचा प्रश्न या दोन्ही लशी 'एम-आरएनए' प्रकारातील आहेत. त्यामुळे, त्या साठवण्यासाठी अतिशीत यंत्रणा असावी लागते. भारतामध्ये अशा पद्धतीच्या उपकरणांचा अभाव आहे. त्यामुळे, लशी वाया जाण्याची भीती आहे, याकडे लक्ष वेधण्यात येते. 'दोन ते आठ अंश सेल्सिअसपर्यंत लस साठवता येऊ शकते,' असा दावा 'फायझर' कंपनीने केला आहे. परिणामकारकता जास्त - फायझर आणि मॉडर्ना या दोन्ही लशींची परिणामकारकता ९० टक्क्यांपेक्षा जास्त आहे. - अमेरिका आणि पाश्चिमात्य देशांमध्ये या लशी सुरुवातीपासून वापरण्यात येत आहे. त्याचा फायदा दिसून येत आहे. - करोनाच्या नव्या प्रकारच्या विषाणूंविरोधात फायझर लस परिणामकारक असून, यातून लक्षणे किमान तीव्रतेची असतील, असे दिसून आले आहे. मॉडर्नामध्ये मात्र ९० टक्क्यांपर्यंत परिणामकारकता दिसून आली आहे. - डेल्टा प्रकारातील विषाणूविषयी भीती व्यक्त होत असताना, या दोन्ही लशींमुळे दिलासा मिळू शकतो. लहान मुलांसाठी वापर? - या दोन्ही लशी लहान मुलांसाठी वापरण्याविषयीही विचार करण्यात येत आहे. - निवडक देशांमध्ये १२ वर्षांवरील मुलांमध्ये या दोन्ही लशींचा वापर करण्याच्या चाचण्या घेण्यात येत आहेत. - या लशींना छोट्या मुलांसाठी परवानगी मिळाली, तर २०२१च्या अखेरपर्यंत या लशींचा वापर करणे शक्य होईल. त्यामुळे, करोनाच्या तिसऱ्या लाटेतील छोट्या मुलांना असणाऱ्या संभाव्य धोक्याची भीती कमी होऊ शकते.
