नवी दिल्ली : हिमाचल प्रदेशचे माजी मुख्यमंत्री आणि काँग्रेसचे ज्येष्ठ नेते यांचं गुरुवारी पहाटे निधन झालंय. शिमलाच्या इंदिरा गांधी मेडिकल कॉलेजमध्ये वीरभद्र सिंह यांनी अखेरचा श्वास घेतला. कोविडमधून सुटका पण... गेल्या तीन महिन्यांत दोन वेळा मधून वीरभद्र सिंह सुखरूप सुटका झाली होती. मात्र त्यानंतर तब्येत खालावल्यानं २३ एप्रिलपासून त्यांना रुग्णालयात दाखल करण्यात आलं होतं. या दरम्यान, भाजपचे राष्ट्रीय अध्यक्ष जे पी नड्डा आणि राज्याचे सद्य मुख्यमंत्री यांनीही वीरभद्र सिंह यांच्या तब्येतीची विचारपूस करण्यासाठी रुग्णालयात जाऊन त्यांची भेट घेतली होती. पहिल्यांदा करोना पॉझिटिव्ह आढळल्यानंतर त्यांना चंदीगढच्या एका रुग्णालयात दाखल करण्यात आलं होतं. कोविड संक्रमणातून बाहेर पडल्यानंतर ते ३० एप्रिल रोजी घरी परतले होते. परंतु, घरी पोहचल्यानंतर पुन्हा श्वासोच्छवासात अडथळे जाणवल्यानंतर त्यांना पुन्हा रुग्णालयात दाखल करण्यात आलं होतं. राजकीय कारकीर्द ८७ वर्षीय वीरभद्र सिंह यांनी तब्बल सहा वेळा हिमाचलचं मुख्यमंत्रीपद भूषवलं. तर तब्बल नऊ वेळा आमदार आणि पाच वेळा ते खासदार बनण्याचा अनोखा रेकॉर्ड त्यांनी कायम केला. सध्या ते सोलान जिल्ह्यातील अर्की मतदारसंघाचे ते आमदार होते. वीरभद्र सिंह यांनी याच वर्षी जानेवारी महिन्यात सक्रीय राजकारणातून निवृत्ती घेत असल्याचं जाहीर केलं होतं. पुढची निवडणूक लढवणार नसल्याचं त्यांनी म्हटलं होतं. यावेळी, 'मी निवडणूक लढणार नाही परंतु, मी काँग्रेसी होतो आणि मरेपर्यंत काँग्रेसीच राहीन' असं वक्तव्य वीरभद्र सिंह यांनी केलं होतं. काँग्रेसच्या भरभक्कम शिलेदारांपैंकी एक म्हणून वीरभद्र सिंह ओळखले जात होते.
