नवी दिल्ली : आज (शनिवारी) सकाळी आरोग्य मंत्रालयाकडून देण्यात आलेल्या माहितीनुसार देशात शुक्रवारी (१३ ऑगस्ट २०२१) ३८ हजार ६६७ करोनाबाधित रुग्ण आढळले आहेत. याचसोबत देशातील एकूण करोनाबाधित रुग्णांची संख्या ३ कोटी २१ लाख ५६ हजार ४९३ वर पोहचलीय. देशात सध्या ३ लाख ८७ हजार ६७३ रुग्णांवर उपचार सुरू आहेत. शुक्रवारी ३५ हजार ७४३ रुग्णांना रुग्णालयातून सुटी देण्यात आलीय. त्यामुळे करोनावर मात करणाऱ्या रुग्णांची एकूण संख्या ३ कोटी १३ लाख ३८ हजार ०८८ वर पोहचलीय. दरम्यान, गेल्या २४ तासांत करोनामुळे ४७८ जणांच्या मृत्यूची नोंद करण्यात आली. देशातील मृतांची एकूण संख्या ४ लाख ३० हजार ७३२ वर पोहचलीय. केंद्रीय आरोग्य मंत्रालयाच्या माहितीनुसार, देशाचा आठवड्याचा पॉझिटिव्हिटी दर २.०५ टक्क्यांवर आहे. एकूण करोना संक्रमित रुग्णांची संख्या : ३ कोटी २१ लाख ५६ हजार ४९३ एकूण बरे झालेली रुग्णसंख्या : ३ कोटी १३ लाख ३८ हजार ०८८ उपचार सुरू : ३ लाख ८७ हजार ६७३ एकूण मृत्यू : ४ लाख ३० हजार ७३२ करोना लसीचे डोस दिले गेले : ५३ कोटी ६१ लाख ८९ हजार ९०३ केरळमध्ये सर्वाधिक रुग्ण केरळमध्ये शुक्रवारी कोविडचे सर्वाधिक २० हजार ४५२ रुग्ण आढळले आहेत. तर याच दिवशी राज्यात ११४ मृत्यूंची नोंद करण्यात आलीय. याचसोबत राज्यातील एकूण संक्रमितांची एकूण संख्या वाढून ३६ लाख ५२ हजार ०९० वर पोहचलीय तर एकूण १८ हजार ३९४ मृत्यूंची नोंद झालीय. राज्यात एकूण ३४ लाख ५३ हजार १७४ रुग्णांनी करोनावर यशस्वीरित्या मात केलीय. राज्यात सध्या १ लाख ८० रुग्णांवर उपचार सुरू आहेत. लसीकरण मोहीम देशात सुरु असलेल्या लसीकरण मोहिमेदरम्यान आतापर्यंत एकूण ५३ कोटी ६१ लाख ८९ हजार ९०३ लसीचे डोस देण्यात आले आहेत. यातील ६३ लाख ८० हजार ९३७ लसीचे डोस शुक्रवारी एका दिवसात देण्यात आले. भारतात पार पडलेल्या चाचण्या भारतीय वैद्यकीय संशोधन परिषदेनं (ICMR)दिलेल्या माहितीनुसार, १३ ऑगस्ट २०२१ पर्यंत देशात एकूण ४९ कोटी १७ लाख ०० हजार ५७७ नमुन्यांची चाचणी करण्यात आलीय. यातील २२ लाख २९ हजार ७९८ नमुन्यांची करोना चाचणी कालच्या एकाच दिवसात करण्यात आली.
