मुंबई : बिटकॉइनपाठोपाठ आता इतर छोट्या क्रिप्टो करन्सीजमध्ये गुंतवणुकीचा ओघ वाढत आहे. गेल्या २४ तासात बिटकॉइन, इथेरियमसह या क्रिप्टो करन्सीच्या किमतीत तब्बल २२ टक्के वाढ झाली आहे. मागील आठवडाभर क्रिप्टो करन्सीजमधील तेजीने या आभासी चलनाची एकूण बाजारपेठ १.९९ लाख कोटी डॉलर्सपर्यंत पोहोचली आहे. कॉइनमार्केटकॅपडॉटकॉमच्या आकडेवारीनुसार आज १५ ऑगस्ट रोजी बिटकॉइनचा भाव ४६६८५ डॉलर झाला आहे. त्यात १.७४ टक्के वाढ झाली आहे. चालू वर्षात बिटकॉइनच्या किमतीत ५३ टक्के वाढ झाली. मागील सात दिवसात बिटकॉइन ४.३४ टक्क्यांनी महागला आहे. बिटकॉइन नंतर दुसरा लोकप्रिय असलेला इथेरियमचा भाव ३२४१.८६ डॉलर इतका झाला आहे. त्यात १.५० टक्के वाढ झाली. मागील सात दिवसांत इथेरियमच्या किमतीत ३.३४ टक्के वाढ झाली आहे. सॉफ्टवेअर अपग्रेडनंतर क्रिप्टो करन्सीमध्ये वाढ झाल्याचे बोलले जाते. गेल्या आठवड्यातील तेजीने जगभरातील क्रिप्टो करन्सीज बाजाराची उलाढाल २ लाख कोटी डॉलर्सवर गेली होती. वाचा : XRP, डोजेकॉइनमध्ये तेजी कायम आहे. आज XRP च्या किमतीत २२.१२ टक्के वाढ झाली. एका XRP चा भाव १.३३ डॉलर इतका वाढला आहे. त्याआधी शुक्रवारी एक्सआरपीचा भाव १७.१९ टक्क्यांनी वाढला होता. डोजेकॉइनचा भाव ५.५३ टक्क्यांनी वाढला असून तो ०.३० डॉलर झाला आहे. आज कार्डानोचा भाव २.१६ डॉलर आहे. Binance Coin BNB चा भाव ४०४.०७ डॉलरवर गेला असून त्यात ०.६६ टक्के वाढ झाली आहे. त्याआधीच्या सत्रात तो ५ टक्क्यांनी वधारला होता. पोलकॅडोटच्या दरात आज १.१३ टक्के वाढ झाली आहे. एका कॉइनचा भाव २२.७४ डॉलर इतका वाढला आहे.
