म. टा. प्रतिनिधी, मध्य रेल्वेने प्रवाशांच्या सोयीसाठी आणि गणपती उत्सवादरम्यान होणारी अपेक्षित गर्दी विचारात घेऊन लोकमान्य टिळक टर्मिनस आणि करमाळी दरम्यान सुपरफास्ट साप्ताहिक वातानुकूलित विशेष सेवा पूर्ववत करण्याचा निर्णय घेतला आहे. गुरुवार २ सप्टेंबर पासून ०१०१५ विशेष लोकमान्य टिळक टर्मिनस येथून रात्री १२.५० वाजता सुटणार असून करमाळीला १२.२० वाजता पोहोचेल. गाडी क्रमांक ०१०१६ विशेष करमाळी एक्स्प्रेस येथून प्रत्येक २ सप्टेंबरपासून प्रत्येक गुरुवारी दुपारी १ वाजता सुटेल आणि त्याच दिवशी रात्री ११.४५ वाजता लोकमान्य टिळक टर्मिनस येथे पोहोचेल. ही गाडी ठाणे, पनवेल, चिपळूण, रत्नागिरी, कणकवली, कुडाळ या स्थानकावर थांबेल. पूर्णपणे आरक्षित सुपरफास्ट वातानुकूलित विशेष ट्रेन क्रमांक ०१०१५ आणि ०१०१६ चे आरक्षण २२ ऑगस्टपासून संकेतस्थळावर सुरू होणार आहे.
