मुंबई : पेट्रोलियम कंपन्यांनी सलग तिसऱ्या दिवशी इंधन दरात कोणताही बदल केला नाही. आज शुक्रवारी देशभरात पेट्रोल आणि डिझेल दर स्थिर ठेवले. अमेरिकेतील तेल साठा कमी झाल्याने जागतिक बाजारात कच्च्या तेलाच्या पुरवठ्यावर परिणाम झाला आहे. त्यामुळे इंधन दरावर परिणाम होत आहे. मुंबईत आज शुक्रवारी एक लीटर पेट्रोलचा भाव १०७.५२ रुपये आहे. आज दिल्लीत पेट्रोल १०१.४९ रुपये झाला आहे. चेन्नईत पेट्रोलचा भाव ९९.२० रुपये इतका आहे. कोलकात्यात एक लीटर पेट्रोल १०१.८२ रुपये झाला आहे. भोपाळमध्ये साध्या पेट्रोलचा भाव १०९.९१ रुपयांपर्यंत खाली आला आहे. बंगळुरात पेट्रोल १०४.९८ रुपये झाले आहे. आज देशभरात कायम आहे. मुंबईत डिझेलचा भाव ९६.४८ रुपये आहे. दिल्लीत डिझेल ८८.९२ रुपये आहे. चेन्नईत ९३.५२ रुपये आणि कोलकात्यात डिझेलचा भाव ९१.९८ रुपये प्रती लीटर इतका आहे. भोपाळमध्ये डिझेलचा भाव ९७.७२ रुपये असून बंगळुरात डिझेल ९४.३४ रुपये आहे. करोना डेल्टा व्हेरिएंटच्या पार्श्वभूमीवर कमॉडिटी बाजारात कच्या तेलाच्या भावात तेजी दिसून आली होती. सोमवार ते बुधवार असे सलग तीन दिवस तेलाचा भाव ७ डॉलरने वधारला होता. मात्र गुरुवारी या तेजीला ब्रेक लागला. जागतिक कमॉडिटी बाजारात गुरुवारी बाजार बंद होताना ब्रेंट क्रूडचा भाव १.१८ डॉलरने घसरला आणि तो ७१.०७ डॉलर प्रती बॅरल झाला. डब्ल्यूटीआय क्रूडचा भाव ०.९२ डॉलरने वधारून ६७.४२ डॉलर झाला. अमेरिकेत कच्च्या तेलाचा साठा कमी झाल्याने तेलाचे भाव तेजीत असल्याचे जाणकारांचे म्हणणे आहे.
