हेडिंग्ले : तिसऱ्या कसोटीचा दुसरा दिवस गा़जवला तो इंग्लंडला कर्णधार जो रुटने. जिथे भारताचा पहिला डाव फक्त ७८ धावांवर आटोपला होता, तिथे रुटने धडाकेबाज शतक पूर्ण करत भारताचा अहंकार मोडीत काढला. रुटचे हे या मालिकेतील सलग तिसरे शतक ठरले आहे. रुटच्या या शतकाच्या जोरावर इंग्लंडने भक्कम आघाडी घेतली असून भारतासाठी हा सामना जिकणे आता कठीण होऊन बसले आहे. कालच्या बिनबाद १२० धावांवरून आज इंग्लंडने आजच्या दिवसाची सुरुवात केली. इंग्लंडचे दोन्ही सलामीवीर आज जास्त काळ खेळपट्टीवर टिकून राहीले नाहीत. पण हे दोघएही बाद झाल्यावर फलंदाजीला आलेल्या रुटने सर्व कसर भरून काढली. रुटला यावेळी डेव्हिड मिलानची चांगली साथ मिळाली आणि या दोघांनी पुन्हा एकदा भारताच्या गोलंदाजीचा चांगलाच समाचार घेतला. मलानने यावेळी ७० धावांची खेळी साकारली. मलान बाद झाल्यावरही रुटची फटकेबाजी सुरु होती. रुटने यावेळी १४ चौकारांच्या मदतीने १२१ धावांंची धडाकेाबज खेळी साकारली. रुटचे हे या मालिकेतील तिसरे शतक ठरले. कारण रुटने यापूर्वीच्या दोन्ही कसोटी सामन्यांमध्ये शतक झळकावले होते. रुटने यावेळी दमदार फलंदाजी करत संघाला ३०० धावांची मोठी आघाडी मिळवून दिली होती. भारताच्या गोलंदाजांनी दिवसाच्या उत्तरार्धात चांगली गोलंदाजी केली. त्यांनी जोस बटलर आणि जॉनी बेअरस्टो यांना मोठी खेळी खेळण्यापासून रोखले, नाहीतर इंग्लंडच्या संघाने आजच चारशे धावांची आघाडी घएतली असती. भारताचा वेगवान गोलंदाज मोहम्मद शमीने यावेळी चांगला मारा केला, रवींद्र जडेजाची त्याला चांगली साथ मिळाली. पण इंग्लंडने दुसऱ्या दिवशी दमदार फलंदाजी करत ३४५ धावांची आघाडी मिळवली आहे. कारण इंग्लंडने दुसऱ्या दिवसअखेर ८ बाद ४२३ अश मजल मारली आहे. भारताचा वेगवान गोलंदाज इशांत शर्माला यावेळी चांगली गोलंदाजी करता आली नाही आणि त्याचा इंग्लंडच्या फलंदाजांनी चांगलाच समाचार घेतला. पण जर खेळपट्टी पाहून इशांतऐवजी आर. अश्विनला या सामन्यात संधी दिली असती, तर कदाचीत सामन्याचे चित्र वेगळे पाहायला मिळू शकले असते. त्यामुळे आता इंग्लंडचा संघ किती धावा करतो, यावर सर्व काही अवलंबून असेल.
