मुंबई: ड्रग्ज प्रकरणात एनसीबीच्या कोठडीत असलेला याची अभिनेता यानं आज ऑर्थर रोड कारागृहात भेट घेतली. मुलासोबत त्यांची अवघी काही मिनिटे चर्चा झाली. त्यानंतर लगेचच तो येथून रवाना झाला. (Shahrukh Khan reaches ) करोनाच्या काळात नातेवाईक किंवा वकील हे कैद्यांना प्रत्यक्ष भेटू शकत नव्हते. संसर्ग टाळण्याच्या दृष्टीनं भेटीसाठी मनाई करण्यात आली होती. आजपासून भेटीची परवानगी पुन्हा देण्यात आली आहे. त्यानंतर आज, पहिल्याच दिवशी सकाळी ९ वाजण्याच्या सुमारास शाहरुख ऑर्थर रोड कारागृहात पोहोचला. नियमानुसार, एकावेळी कैद्याचे केवळ दोनच नातेवाईक भेटू शकणार आहेत. मात्र, शाहरुख एकटाच आर्यनला भेटण्यासाठी पोहोचला. त्याच्यासोबत काही खासगी सुरक्षारक्षक होते. त्यांना कारागृहाबाहेरच थांबवण्यात आले. शाहरुखची प्रतिक्रिया जाणून घेण्यासाठी ऑर्थर रोड परिसरात मीडियानं प्रचंड गर्दी केली होती. मात्र, शाहरुखनं मौन सोडलं नाही. कारागृहाबाहेर उपस्थित असलेल्या अन्य कैद्यांच्या नातेवाईकांना हात जोडून तो निघून गेला. वाचा: कार्डेलिया क्रूझवरील ड्रग्ज पार्टीवर एनसीबीनं २ ऑक्टोबर रोजी केलेल्या कारवाई दरम्यान आर्यन खानला अटक करण्यात आली आहे. तेव्हापासून तो एनसीबीच्या कोठडीत आहे. आर्यनच्या जामिनासाठी एनडीपीएस कोर्टात अर्ज करण्यात आला होता. मात्र, एनडीपीएस कोर्टानं बुधवारी त्याला जामीन नाकारला. त्यानंतर त्याच्या वकिलांनी उच्च न्यायालयात धाव घेतली आहे. त्यावर तातडीची सुनावणी घेण्याची विनंतीही केली आहे. ती विनंती मान्य होणार का आणि आर्यनला जामीन कधी मिळणार, याकडं सर्वांचं लक्ष लागलं आहे. वाचा:
