नवी दिल्ली: ऑस्ट्रेलिया आणि इंग्लंड यांच्यात होणारी बहुप्रतिक्षित सुरू होण्याआधी त्याची मजा जाण्याची चिन्हे आहेत. ब्रिस्बेनच्या गाबा मैदानावर होणाऱ्या पहिल्या कसोटी सामन्याच्याआधी इंग्लंड क्रिकेट संघाला मोठा धक्का बसला आहे. वाचा- गाबा कसोटीत इंग्लंडचा मुख्य गोलंदाज खेळणार नाही. अॅडरसनला पुन्हा एकदा दुखापत झाली असून तो पहिल्या कसोटीसाठी उपलब्ध असणार नाही. अॅडरसनला २०१९ पासून या दुखापतीने त्रास दिला आहे. पाच सामन्यांची ऐतिहासिक अॅशेस मालिका ८ डिसेंबरपासून सुरू होत आहे. ऑस्ट्रेलियातील सिडनी मॉर्निंग हेराल्डने दिलेल्या वृत्तानुसार इंग्लंड संघ व्यवस्थापन अॅडरसनच्या बाबत कोणताही धोका पत्करण्यास तयार नाही. त्यामुळेच त्याला विश्रांती दिली जाणार आहे. मालिकेतील दुसऱ्या कसोटी सामन्यापर्यंत अॅडरसन फिट होऊ शकेल. ज्यामुळे एडिलेड येथे होणाऱ्या पिंक बॉल कसोटीसाठी तो संघात असेल. वाचा- दरम्यान क्रिकेट ऑस्ट्रेलियाने दिलेल्या माहितीनुसार बायो बबलसाठी आवश्यकती पूर्तता होऊ शकत नसल्याने अॅशेस मालिकेतील पाचवी कसोटी पर्थ येथे होणार नाही. वेस्टर्न ऑस्ट्रेलिया राज्यातील नियमानुसार खेळाडूंना क्वारंटाइन व्हावे लागणार आहे. त्यामुळे आता पाचव्या कसोटीसाठी पर्यायी मैदान शोधला जात आहे. ही कसोटी तस्मानियाच्या होबार्ट येथे होऊ शकते. वाचा- ऑस्ट्रेलियाचा कर्णधार पॅट कमिंन्स रविवारीच पहिल्या कसोटीसाठीचा संघ जाहीर केला. सामन्याच्या ३ दिवस आधीच संघ जाहीर करण्याचे धाडस कमिंन्सने दाखवले. पण इंग्लंडचा कर्णधार जो रूटने मात्र अद्याप पत्ते उघड केले नाहीत. मी डोक्याचे खेळ खेळत नाही. सध्या मी संघ जाहीर करण्याच्या स्थितीत नाही. खर तर त्यांनी (ऑस्ट्रेलिया) संघ जाहीर केल्यामुळे मी काळजीत नाही.
