मुंबई : बाॅलिवूडमध्ये अभिनेते, अभिनेत्री स्वत:च्या आरोग्याबद्दल जागरुक झाले आहेत. जिम, डाएट यासाठी सगळे जण वेळ देतातच. आता आपल्या सलमान खानचं पाहा. ५५ वर्ष उलटून गेली तरीही त्याच्याकडे पाहून अजिबातच वाटत नाही. अजूनही तो तरुण अभिनेत्यांना स्पर्धा देऊ शकतोय. त्याचा सिनेमा रिलीज झाला की इतर कुठले सिनेमे प्रदर्शित करायचा धोका पत्करला जात नाही. आजही तो बाॅक्स ऑफिस गाजवतो, जितका २५ वर्षांपूर्वी गाजवत होता. सलमाननं दाखवलं पिळदार शरीर नुकताच सलमान खाननं एक शर्टलेस फोटो त्याच्या इन्स्टाग्रामवर शेअर केला आहे. त्यात त्याचं पिळदार शरीर चांगलंच दिसत आहे. बाॅलिवूडच्या दबंग खाननं आपल्या फॅन्सना खूश करण्यासाठी हा फोटो शेअर केला आहे. सगळे चाहते जाम खूश आहेत. फोटो शेअर करत सलमाननं कॅप्शन लिहिली आहे, 'हिरवी पानं महत्त्वाची आहेत.' सलमाननं आपलं डाएट त्यातून दाखवलं आहे. सलमानच्या फोटोवर फॅन्सनी खूप कमेंट केल्या आहेत. एकानं लिहिलं आहे, टायगर अजून तरुण आहे. ''साठी सलमान तय्यार या क्लिकमुळे सलमानचे फॅन्स खूश आहेत. ते आता टायगर ३ सिनेमाची वाट पाहत आहेत. टायगर ३ सिनेमात सलमान पुन्हा एकदा कतरिना कैफसोबत दिसणार आहे. सूत्रांच्या माहितीनुसार हा सिनेमा ईदच्या आठवड्यात रिलीज होणार आहे. त्यामुळे सलमाननं आपला मित्र अजय देवगणसाठी मार्ग मोकळा केलीा आहे. अजय देवगणचा रनवे ३४ सिनेमा २९ एप्रिलला रिलीज होत आहे. अजय देवगणच्या सिनेमाशी होणार होती टक्कर अजय देवगण म्हणाला, ' गेल्याच्या गेल्या वर्षी मी सलमानला फोन करून विचारलं तुझा सिनेमा ईदला रिलीज होणार आहे का? त्यानं सांगितलं, तू तुझी कर. मी नाही करणार.' अजय पुढे म्हणाला, ' मी नव्या पिढीबद्दल नाही सांगू शकणार. पण आमच्या काळात काही स्पर्धा नव्हती अशी. म्हणजे प्रत्येकाला वाटायचं दुसऱ्याच्या सिनेमानं पण बिझनेस करावा. अक्षय कुमार माझ्यासाठी ट्विट करतो. मी त्याच्यासाठी करतो. छान वातावरण आहे.'
