: डोंबिवली धक्कादायक घटना समोर आली आहे. डोंबिवली स्टेशनजवळील एस.के.पाटील चौक येथे नियम तोडणाऱ्या एका कारचालकाने कर्तव्य बजावत असलेल्या एका वाहतूक पोलिसाला ठोकरत बोनेटवरून फरफटत नेले. हवालदार बाळासाहेब होरे (वय ४४) हे आपले कर्तव्य बजावत असतानाच एका गाडीचालकाने त्यांना फरफटत नेले. ही घटना सीसीटीव्ही मध्ये कैद झाली आहे. (The on the bonnet) डोंबिवली स्टेशन जवळील एस.के.पाटील चौक येथे वाहतूक पोलीस हवालदार बाळासाहेब होरे (वय ४४) हे आपले कर्तव्य बजावत असतानाच यांना एका चारचाकी गाडीने धडक देत फरफटत नेल्याची घटना बुधवारी संध्याकाळी साडेसहाच्या सुमारास घडली आहे. गाडीला काळ्या काचा आणि मोठ्याने डेक लावला असल्याने हवालदार होरे यांनी गाडी चालकाला गाडी थांबविण्याचा इशारा दिला असता त्याने गाडी न थांबवता होरे यांच्या अंगावर घातली. क्लिक करा आणि वाचा- होरे यांनी गाडीचे बोनेट पकडले असता चालकाने त्यांना फरफटवत गाडी चिपळूणकर रोड मार्गे बालभवन पर्यंत नेली. तेथे होरे यांना गाडीवरून खाली पाडत चालकाने पुन्हा मागे गाडी वळवून तेथून पळ काढला.दरम्यान ही घटना सीसीटीव्ही मध्ये कैद झाली आहे. क्लिक करा आणि वाचा- यादरम्यान कारचालकाने एका रिक्षाचालकास देखील धडक दिली असून रिक्षाचालक देखील जखमी झाला आहे. यात होरे यांच्या हाताला, पायाला दुखापत झाली असून त्यांच्यावर उपचार सुरू आहेत. गाडी चालकावर रामनगर पोलीस ठाण्यात गुन्हा नोंद करण्यात आला असून पोलीस त्याचा शोध घेत असल्याची माहिती वाहतूक विभागाचे पोलीस निरीक्षक उमेश गित्ते यांनी सांगितले. क्लिक करा आणि वाचा-
