मुंबईच्या कांदिवलीत गॅस गळती, स्थानिकांना वासाचा त्रास, मोठा अनर्थ कसा टळला? पाहा व्हिडिओ - Times of Maharashtra

ठळक बातम्या

Thursday, August 18, 2022

मुंबईच्या कांदिवलीत गॅस गळती, स्थानिकांना वासाचा त्रास, मोठा अनर्थ कसा टळला? पाहा व्हिडिओ

https://ift.tt/pPSnO4x
मुंबई: मुंबईच्या कांदिवलीतील महावीरनगर परिसरात गॅस गळती झाल्याची घटना घडली आहे. गॅस गळती झाल्यानं नागरिकांचे हाल झाल्याचं समोर आलं आहे. पाण्याच्या पाईपलाईनचं काम सुरु असताना गॅसच्या पाईपचं नुकसान झालं आणि गॅस गळती झाली. मात्र, वेळीच गॅसचा पुरवठा बंद करण्यात आल्यानं मोठा अनर्थ टळला आहे. अग्निशमन दलाकडून गॅसच्या पाईपलाईनची दुरुस्ती करण्यात आली आहे. मुंबई महापालिका या घटनेबाबत उद्या सकाळी अधिकृत माहिती देणार असल्याची माहिती आहे. स्थानिक नागरिकांनी तत्परता दाखवून अग्निशमन दलाला आणि पालिकेला कळवल्यानं मोठी दुर्घटना घडण्यापासून रोखण्यात यश आलं आहे. घटनेची माहिती मिळताच अग्निशमन दलाच्या चार गाड्या कांदिवलीतील महावीर नगरमध्ये दाखल झाल्या होत्या. गॅस गळती झाल्यानं कोणतीही जीवितहानी झाली नाही, अशी माहिती आहे. सांयकाळी ७ च्या सुमारास पाण्याच्या पाईपलाईनचं काम सुरु असताना जेसीबीचा धक्का लागल्यानं गॅसची गळती सुरु झाली होती. स्थानिक नागरिकांच्या ही घटना लक्षात येताच त्यांनी अग्निशमन दलाला कळवलं. गॅस गळतीप्रकरणी मुंबई महापालिकेला देखील कळवण्यात आलं. त्यामुळं चार अग्निशमन दलाच्या गाड्या घटनास्थळी पाठवण्यात आल्या. घटना समजताच गॅस पुरवठा बंद करण्यात आला. अग्निशमन दलानं तातडीनं घटनास्थळी दाखल होतं. गॅस गळती थांबवण्यात यश मिळवलं आहे. मुंबई महापालिकेकडून अद्याप याबाबत अधिकृत माहिती देण्यात आलेली नाही. उद्या सकाळी मुंबई महापालिकेकडून अधिकृत माहिती दिली जाण्याची शक्यता आहे. कांदिवलीच्या महावीर नगरमधील चारकोप भागातील बोरसपाडा मार्गावरील डी मार्ट जवळ ही गळती झालीय. सुरक्षेचा उपाय म्हणून या भागातील गॅस पुरवठा थांबविण्यात आला आहे. रात्री उशिरापर्यंत गॅस पुरवठा पूर्ववत केला जाईल, अशी माहिती महानगर गॅस लिमिटेडच्या वतीनं देण्यात आली आहे. गॅस गळतीनं नागरिकांचे हाल कांदिवलीतील महावीर नगरमध्ये पाण्याच्या पाईपलाईनचं काम सुरु असताना गॅसच्या पाईपचं नुकसान झाल्यानं गळती सुरु झाली. गॅस गळती झाल्यानं स्थानिक नागरिकांना त्रासाला सामोरं जावं लागलं. गॅसच्या वासानं नागिराकांचे हाल झाले. स्थानिक नागरिकांनी तातडीनं अग्निशमन दल आणि मुंबई महापालिकेच्या संबंधित विभागाला कळवल्यानं मोठी दुर्घटना टळली. नागरिकांचे हाल मात्र जीवितहानी नाही मुंबईच्या कांदिवलीतील महावीरनगर परिसरात रस्त्यावर पाण्याच्या पाईपचं काम सुरु असताना गॅसच्या पाईपलाईनला धक्का लागल्यानं गॅस गळतीला सुरुवात झाली. गॅस गळतीमुळं स्थानिकांना त्रास झाला पण जीवितहानी झालेली नाही.