पुणे : अनंत चतुर्दशीला गणेशभक्तांनी आपल्या लाडक्या गणपती बाप्पाला निरोप दिला. 'गणपती बाप्पा मोरया, पुढच्या वर्षी लवकर या'च्या जयघोषात अवघा महाराष्ट्र दुमदुमला. विरोधी पक्ष नेते () यांनीदेखील काल पुण्यातील विसर्जन मिरवणुकीत सहभाग घेतला. दगडूशेठ हलवाई गणपतीच्या दर्शनाला गेले असताना अजितदादांकडे दानपेटीत टाकण्यासाठी ऐनवेळी सुट्टे पैसे सापडले नसावेत, त्यामुळे गडबड झाल्याने त्यांनी आपल्या सुरक्षा रक्षकाकडून काही नोटा घेतल्याचा व्हिडिओ सध्या सोशल मीडियावर पाहायला मिळत आहे. अजित पवार यांनी पत्नी सुनेत्रा पवार यांनी पुण्यातील सुप्रसिद्ध दगडूशेठ हलवाई गणपतीचं दर्शन घेतलं. यावेळी त्यांनी अभिषेक आणि आरती केली. दगडूशेठ गणपती मंदिरात शिरताना अजित पवारांनी आधी उपस्थितांना हात जोडून अभिवादन केले. मात्र पुढे जाताना अचानक त्यांच्या काहीसं लक्षात आलं आणि ते मागे वळले. तोच एक सुरक्षा रक्षक दादांच्या दिशेने धावत आला. दोघांमध्ये काहीतरी बोलणं झालं आणि सुरक्षा रक्षकाने त्याच्या खिशातील काही नोटा अजित पवार यांच्या हातात दिल्या. या नोटा खिशात घालून अजित पवार दगडूशेठ हलवाई गणपतीच्या दर्शनासाठी पुढे निघून गेले. आता खिशात पैसे नसल्याने अजितदादांनी सुरक्षा रक्षकाकडून तात्पुरते पैसे घेतले, की अजितदादांनी आपल्याकडचे काही पैसे आधीच सुरक्षा रक्षकाकडे ठेवायला दिले होते, हे स्पष्ट झालेलं नाही. हेही वाचा : याआधी, काल अजित पवार यांनी भाजपचे नवीन प्रदेशाध्यक्ष चंद्रशेखर बावनकुळे यांना टोला लगावला होता. तुम्हाला एक मराठी म्हण माहित आहे का, कावळ्याच्या शापाने कधी गाय मरत नाही, ही वस्तुस्थिती आहे, नवीन नवीन अध्यक्ष झाले की हुरुप येतो, तुम्ही प्रसिद्धी केव्हा देता, ते अध्यक्ष बारामतीला न येता दुसरीकडे गेले असते, तर तुम्ही इतकी प्रसिद्धी दिली असतीत का, बारामतीला गेल्यामुळेच तुम्ही बातमी केली आणि इतकी प्रसिद्धी मिळाली, असं अजित पवार म्हणाले. हेही वाचा :
