नागपूर : नागपूरमधून भीषण अपघाताची धक्कादायक घटना समोर आली आहे. नागपूरच्या सक्करदरा परिसरात भीषण अपघात घडला आहे. या दुर्घटनेत दुचाकीवरील चौघे जण सुमारे ७० ते ८० फूट उंचीवरुन खाली फेकले आणि त्यांचा मृत्यू झाला. माहितीनुसार, मृतांमध्ये २ चिमुरड्यांचा समावेश आहे. दोन जणांचा मृत्यू मिळालेल्या माहितीनुसार, नागपूरच्या सक्करदरा पुलावर हा अपघात झाला आहे. पूलावरुन जाणाऱ्या चार दुचाकींना मागून येणाऱ्या एका भरधाव कारने जोरदार धडक दिली. हा अपघात इतका भीषण होता की, दुचाकींचा जागीच चुराडा झाला. दुचाकीवर असलेल्या व्यक्ती पुलावरुन खाली पडले. या भीषण अपघातामध्ये दोघांचा मृत्यू झाला तर दोन जण गंभीर झाले आहेत. जखमींना उपचारासाठी रुग्णालयात दाखल करण्यात आले आहे. वाहनावरील नियंत्रण सुटल्याने अपघात हा अपघात नेमका कसा झाला याबाबत अद्याप माहिती समोर आलेली नाही. मात्र, चारचाकी चालकाचे वाहनावरील नियंत्रण सुटल्याने हा अपघात झाला असावा असा अंदाज पोलिसांनी वर्तवला आहे. तसेच अपघात झाला त्यावेळी चारचाकी चालक दारु पिऊन गाडी चालवत असल्याची माहिती देखील समोर येत आहे. या अपघातामध्ये दोन जणांचा जागीच मृत्यू झाला तर दोन गंभीर जखमी झाले आहेत. वाहनाचे देखील मोठ्या प्रमाणात नुकसान झाले आहे.
