मुंबईः कुर्ला रेल्वे स्थानकात एक अजब प्रकार घडला आहे. एका रिक्षा चालक थेट रेल्वे रुळांच्या शेजारी प्लॅटफॉर्मवर ऑटो चालवताना दिसत आहे. रेल्वे फलाटावर रिक्षा पाहून प्रवासीही गोंधळले आहेत. त्यानंतर प्रवाशांनी आरडाओरडा केल्यानंतर रिक्षा स्थानकातून बाहेर काढायला भाग पाडले. वा व्हिडिओ सध्या व्हायरल होत आहे. () एका युजरने हा व्हिडिओ ट्विटरवर पोस्ट करत घटना उजेडात आणली आहे. त्याचबरोबर रेल्वे मंत्रालय व आरपीएफच्या ट्विटर हँडललाही टॅग केले आहे. त्यानंतर लगेचच आरपीएफने या व्हिडिओची गंभीर दखल देत कारवाई केल्याचं सांगितलं आहे. सदर घटना ही १२ ऑक्टोबर रोजी घडली असून पोलिसांनी या रिक्षा चालकाला अटक केली आहे. आरपीएफच्या मुंबई विभाग कार्यालयाने याबाबत सविस्तर माहिती दिली आहे. वाचाः कुर्ला स्थानकात रात्रीच्या वेळी सीएसएमटीकडे जाणाऱ्या प्लॅटफॉर्मवर हा चालक रिक्षा घेऊन आला. यावेळी काही प्रवाशांनी त्याला हटकले. तसंच, तिथे असणाऱ्या काही प्रवाशांनी व्हिडिओही काढला आहे. हा व्हिडिओ सोशल मीडियावर तुफान व्हायरल होत आहे. कुर्ला स्थानकात ऑटो माफियांची हिम्मत तर बघा. कृपया या घटनेची सखोल चौकशी करुन कारवाई करा. अशा प्रकारच्या घटनांमुळं ट्रेनच्या सुरक्षेसाठी धोकादायक ठरू शकतात, असं एका युजरनं व्हिडिओ ट्विट करताना म्हटलं आहे. हा व्हिडिओ व्हायरल झाल्यानंतर आरपीएफने स्पष्टीकरण देत रिक्षा चालकाला ताब्यात घेण्यात आलं असून पुढील कारवाई सुरू असल्याचं म्हटलं आहे. हा व्हिडीओ १२ ऑक्टोबरचा असून पहाटे १ वाजेच्या सुमारास पश्चिम दिशेच्या प्लॅटफॉर्म क्रमांक १ वर अचानक एक रिक्षा घुसली. त्यानंतर पोलिसांनी प्लॅटफॉर्मवरून रिक्षा बाहेर काढली आणि संबंधित अधिकाऱ्यांनी रिक्षा ताब्यात घेऊन ऑटोचालकास पकडले आणि त्याला आरपीएफ चौकी कुर्ला येथे आणून त्याच्यावर गुन्हा दाखल करण्यात आला. तसेच चालकाला सीएसएमटी न्यायालयात हजर करून शिक्षाही झाल्याचे सांगण्यात आले आहे. वाचाः
