बीड: नेकनूर मांजरसुंबा रोडवरील रत्नागिरी फाटा येथे एका अज्ञात वाहनाच्या धडकेत २५ वर्षीय तरुणाचा जागीच मृत्यू झाल्याची घटना काल सायंकाळी साडेसातच्या दरम्यान घडली. वाहनाचे चाक तरुणाच्या डोक्यावरून गेल्याने त्याची ओळख पटणं अशक्य झालं होतं. मात्र अंगावरील कपड्यांमुळे आणि पायाच्या बोटांमुळे मृत तरुणाची ओळख पटली आहे. मांजरसुंबा रोडवरील आठवड्यातील ही अपघाताची दुसरी घटना आहे. अज्ञात वाहनाच्या धडकेत एका २५ वर्षीय तरुणाचा जागीच मृत्यू झाला आहे. वाहनाचं चाक डोक्यावरून गेल्यामुळे ओळख पटणं अशक्य झालं होतं. मात्र अंगावरील कपड्यांमुळे आणि पायाच्या बोटांमुळे तरुणाची ओळख पटली. शरद भारत मेंगडे असं मृत्यूमुखी पडलेल्या तरुणाचं नाव आहे. तो सफेपूर तालुक्याचा रहिवासी होता. वाहनाचं चाक डोक्यावरून गेल्यानं बराच रक्तस्राव झाला. तरुणाला चारचाकी वाहनानं चिरडलं असावं असा अंदाज स्थानिकांनी वर्तवला. घटनास्थळी हुंडाई कारचा साईड ग्लास फुटलेल्या अवस्थेत आढळला आहे. त्यामुळे तरुणाला कारनं धडक दिली असावी असा प्राथमिक अंदाज वर्तवण्यात येत आहे. घटनेची माहिती मिळताच पोलिसांनी तातडीनं घटनास्थळी धाव घेतली. त्यांनी पंचनामा करून तरुणाचा मृतदेह नेकनुर येथील रुग्णालयात शवविच्छेदनासाठी पाठवला. घटनेचा तपास नेकनूर पोलीस करत आहेत. मात्र अद्याप तरी वाहनाचा आणि चालकाचा शोध लागलेला नाही.
