पुणे: पुण्यात मध्यरात्रीच्या सुमारास एक विचित्र अपघात घडला आहे. दरी पुल याठिकाणी सातारा ते पुणे या दिशेने येताना एक मोठा ट्रेलर अपघात होऊन पलटी झाल्याची घटना मध्यरात्री ३ वाजून ४३ मिनिटांनी घडली आहे. अपघातानंतरही चालक जखमी अवस्थेत ट्रेलरमध्येच अडकला होता. या अपघाताची माहिती मिळताच अग्निशमन दलाच्या जवानांनी घटनास्थळी धाव घेतली आणि चालकाला सुखरुप बाहेर काढले. ( News) घटनास्थळी पोहोचताच जवानांनी पाहिले की, मोठा ट्रेलर पलटी होऊन पुढील केबिनमधे सीटवर चालक जखमी अवस्थेत अडकला होता. घटनेचे गांभीर्य ओळखून त्या चालकाशी संवाद साधून धीर देत अग्निशमन दलाच्या जवानांनी तातडीने दलाकडील स्प्रेडर व कटर हे उपकरण वापरत तसेच एका क्रेनच्या मदतीने जखमी चालकाला पंधरा मिनिटात जखमी अवस्थेत बाहेर काढून लगेच उपचाराकरिता रुग्णवाहिकेतून रुग्णालयात दाखल केले आहे. वाचाः दरम्यान, सर्वप्रथम दुचाकीस्वार रस्त्यावरून जात असताना त्याने प्रथमदर्शनी प्रत्यक्ष हा अपघात पाहून मदतीकरिता पुढे आला. मात्र, त्या ट्रेलरने काही प्रमाणात पेट घेत असल्याचे पाहताच सदर दुचाकीस्वाराने घाबरुन स्वतःचा बचाव करण्याकरीता दरीपुलावरुन खाली उडी मारली होती. नंतर काही वेळाने त्याच्या ओरडण्याचा आवाज ऐकल्यावर दलाचे जवान व तेथे उपस्थित नागरिक यांच्या मदतीने त्या दुचाकीस्वारास जखमी अवस्थेतवर काढण्यात आले. वाचाः ट्रेलर क्रमांक एम एच ४६ - २९५० असा असून अपघाताचे नेमके कारण व दोन्ही जखमींची नावे समजू शकली नाहीत. या अपघातामुळे रस्त्यावर वाहनातील तेल पडल्याने इतर वाहने घसरुन पडण्याची शक्यता असल्याने जवानांनी त्या ठिकाणी माती टाकून धोका दुर केला आहे. वाचाः
