उत्तराखंडः राज्यातील जोशीमठ शहरातील स्थिती अत्यंत भयंकर झाली असून नागरिक भीतीच्या सावटाखाली आहेत. शहरातील रस्त्यांना भेगा पडल्यात तर कुठे घरांनाच तडे गेलेत तर काही रस्त्यांखालून पाण्याचा प्रवाह सुरू झाला आहे. जोशीमठावर आलेल्या या संकटामुळं येथील नागरिक जीव मुठीत धरुन जगत आहेत. जमीनीचा भेगा पडल्यामुळं आणि रस्ते खचल्यामुळं जोशीमठात मोठी दुर्घटना घडली आहे. भूस्खलनामुळं शहरातील भगवती देवीचे मंदिर कोसळले आहे. सिंहधार वॉर्डमध्ये ही घटना घडली आहे. आत्तापर्यंत फक्त घराच्या भिंतीना तडे गेले होते. मात्र आता इमारतीही कोसळू लागल्याने नागरिकांमध्ये घबराट पसरली आहे. जोशीमठ शहरातील आत्तापर्यंत ६०३ घरांना तडे गेले आहेत. त्यामुळं प्रशासनाने खबरदारीचा उपाय म्हणून काही कुटुंबांनी सुरक्षित स्थळी हलवण्यात आले आहे. आत्तापर्यंत ४४ कुटुंबांना येथून दुसरीकडे स्थलांतरित करण्यात आलं आहे. या नागरिकांचे घर पुर्णपणे उद्ध्वस्त होण्याच्या मार्गावर आहेत. घराच्या भिंतींपाठोपाठ घराच्या फरशीलाही तडा गेल्या आहेत. वाचाः पर्यावरणाकडे दुर्लक्ष करुन करण्यात आलेल्या विकासकामांचा फटका बसत असल्याचा आरोप करण्यात येत आहे. तर, उत्तराखंड सरकार या परिस्थीतीवर मात करण्यासाठी उच्च स्तरिय बैठका घेत आहेत. शास्त्रज्ञांची पथके देखील शहरात दाखल झाली आहेत. अनेक ठिकाणी जमिनीच्या आतून पाणी येत आहे. रस्त्यांवर पाण्याचे लोट येत असून जलविद्युत्त प्रकल्प वसाहतीच्या भिंतींना तडे गेले असल्यामुळ पाण्याचा प्रवाहदेखील वाढत आहे. वाचाः जोशीमठात आशियातील सर्वात लांब रोपवे जोशीमठात आशियातील सर्वात लांब रोपवे आहे. मात्र सध्याच्या परिस्थितीत रोपवे बंद ठेवण्यात आला आहे. कारण रोपवेच्या टॉवरजवळीच जमीन खचली आहे. उत्तराखंडमधील पवित्र बद्रीनाथ धामपासून जोशीमठ फक्त ५० किलोमीटर अंतरावर आहे. त्यामुळं प्रशासन आणि सरकार अलर्टमोडवर आहे. वाचाः
