नवी दिल्ली: भाजपच्या तरुण नेत्यांपैकी कायम चर्चेत असणारे खासदार हे सध्या एका प्रकरणामुळे अचानक प्रकाशझोतात आले आहेत. तेजस्वी सूर्या यांनी इंडिगो एअरलाईन्सच्या विमानाने प्रवास करताना केलेल्या एका कृत्यामुळे इतर प्रवाशांची दोन तास रखडपट्टी झाली. हे विमान चेन्नईवरुन त्रिवेंद्रमला जात होते. हा प्रकार १० डिसेंबरला घडला होता. मात्र, तेव्हापासून इंडिगो एअरलाईन्सने या प्रकाराबाबत एकदाही भाष्य केले नव्हते. अखेर विमानातील एका सहप्रवाशाने दिलेल्या माहितीमुळे हा प्रकार समोर आला. एरवी सामान्य प्रवाशांवर नियमांचे उल्लंघन झाल्यास कठोर कारवाई केली जाते. परंतु, इतके दिवस उलटूनही इंडिगो एअरलाईन्सने तेजस्वी सूर्या यांच्याकडून घडलेल्या या चुकीविषयी वाच्यता का करण्यात आली नाही, असा सवाल उपस्थित करण्यात आला आहे. तेजस्वी सूर्या हे विमानात बसले होते तेव्हा त्यांनी अचानक इमर्जन्सी एक्झिटचा दरवाजा उघडला. ही बाब विमानातील कर्मचाऱ्यांच्या लक्षात येताच सुरक्षेच्या कारणास्तव सगळ्यांना खाली उतरवण्यात आले. आपातकालीन प्रवेशद्वार उघडल्यामुळे विमानातून हवा बाहेर जात असल्याचे कारण प्रवाशांना सांगण्यात आले. यानंतर प्रवाशांना बसमध्ये बसवून पुन्हा विमानतळावर नेण्यात आले. यानंतर केंद्रीय औद्योगिक सुरक्षा दलाच्या (CISF) जवानांनी विमानाची तपासणी केली. या सगळ्या प्रक्रियेत जवळपास दोन तास वाया गेले. त्यामुळे इतर प्रवाशांनाही इतका वेळ ताटकळत राहावे लागले.सूत्रांच्या माहितीनुसार, विमानातील कर्मचाऱ्यांकडून प्रवाशांना सुरक्षेसंबंधी सूचना दिल्या जात असताना हा प्रकार घडला. तेजस्वी सूर्या हे आपातकालीन दरवाजाच्या बाजूला बसले होते. तेदेखील कर्मचाऱ्यांच्या सूचना लक्ष देऊन ऐकत होते. या सूचना देऊन संपल्यानंतर काहीवेळातच तेजस्वी सूर्या यांनी इमर्जन्सी
