मुंबई: शेअर बाजारात गुंतवणूक करणाऱ्यांसाठी एक आनंदाची बातमी आहे. देशातील सर्वात मोठ्या औद्योगिक घराण्यांपैकी एक असलेला टाटा समूह १९ वर्षांनंतर आयपीओ आणण्याच्या तयारीत आहे. टाटा मोटर्सची उपकंपनी असलेल्या टाटा टेक्नॉलॉजीज या आयपीओद्वारे ३,५०० ते ४,००- कोटी रुपये उभारू शकतात. या आयपीओसाठी कंपनीचे मूल्यांकन १६,२०० ते २०,०० कोटी रुपयांपर्यंत असू शकते. टाटा समूहाने या आयपीओसाठी काम सुरू केले आहे.सूत्रांनी दिलेल्या माहितीनुसार, कंपनी दोन सल्लागारांसोबत काम करत आहे. यासोबतच आणखी एक सल्लागार नेमण्याची प्रक्रिया सुरू आहे. गेल्या महिन्यात टाटा मोटर्सच्या संचालक मंडळानेटाटा टेक्नॉलॉजीजमधील काही भागभांडवल आयपीओद्वारे विकण्याचा प्रस्ताव मंजूर केला.टाटा समूहाने अद्याप या आयपीओसाठी कोणतीही तारीख निश्चित केलेली नाही. योग्य संधीची वाट पाहत असल्याचे कंपनीचे म्हणणे आहे. टाटा सन्सचे विद्यमान अध्यक्ष एन चंद्रशेखरन यांच्या कार्यकाळातील टाटा समूहाचा हा पहिल आयपीओ असेल. टाटा टेक्नॉलॉजीज ही डिजिटल, अभियांत्रिकी आणि तंत्रज्ञान सेवा क्षेत्रातील जगातील आघाडीच्या कंपन्यांपैकी एक आहे. यामध्ये टाटा मोटर्सचा ७४.४२ टक्के हिस्सा आहे. त्याचप्रमाणे ८.९६ टक्के हिस्सा अल्फा टीसीकडे आणि ४.४८ टक्के टाटा कॅपिटल ग्रोथ फंडकडे आहे.यापूर्वी टाटा समूहाच्या कोणत्याही कंपनीचा आयपीओ १९ वर्षांपूर्वी आला होता. टाटा समूहाने २००४ मध्ये टाटा कन्सल्टन्सी सर्व्हिसेसचा (टीसीएस) आयपीओ आणला. टीसीएस ही आज देशातील दुसरी सर्वात मौल्यवान कंपनी आहे. मुकेश अंबानी यांच्या रिलायन्स इंडस्ट्रीजचे १,६७१,८००.०७ कोटी रुपयांचे मार्केट कॅप आहे. तर टीसीएस १,२३३,०८२.०२ कोटी रुपयांच्या मार्केट कॅपसह दुसऱ्या स्थानावर आहे.टाटा समूहाचे आतापर्यंत एकूण २९ उद्योग आहेत. ते अजूनही बाजारात सूचीबद्ध आहेत. टाटा समूहाच्या कंपनीचे बाजार मूल्य ३१४ अब्ज (२३.४ ट्रिलियन) डाॅलर आहे. टाटा समूहाचे अध्यक्ष म्हणून एन चंद्रशेखरन यांनी २०१७ मध्ये कार्यभार स्वीकारला. त्यांनी पदभार स्वीकारल्यानंतर हा कंपनीचा पहिला आयपीओ असेल. यापूर्वी कंपनीने Autocomp Systems चा आयपीओ लाँच करण्याचा प्रयत्न केला. मात्र त्यानंतर आयपीओची योजना रद्द केली.
