मुंबई: भारतीय क्रिकेट संघाचा माजी खेळाडू विनोद कांबळी पुन्हा एकदा वादाच्या भोवऱ्यात सापडला आहे. यावेळेस त्याच्या पत्नीनेच त्याच्यावर गुन्हा दाखल केला आहे. त्याची अँड्रिया हिने तिला मारहाण केल्याचे आरोप तिने केले आहेत. शुक्रवारी त्यांच्या वांद्रे फ्लॅटमध्ये मद्यधुंद अवस्थेत शिवीगाळ करून मारहाण केल्याचा आरोप त्याच्या पत्नीने केला आहे. याबाबत त्याच्या पत्नीने कांबळीविरोधात तक्रार दाखल केली आहे. वांद्रे पोलिसांनी सांगितले की, कांबळी विरुद्ध आयपीसी कलम ३२४ (स्वेच्छेने धोकादायक शस्त्रांनी दुखापत करणे) आणि ५०४ (अपमान) अंतर्गत एफआयआर नोंदवण्यात आला आहे.वाचा: पॅन हँडलने मारले कांबळीने आपल्या पत्नीला स्वयंपाक घरातील पॅनचे हँडल फेकून मारल्याने तिच्या डोक्याला दुखापत केल्याचा आरोप केला आहे. मात्र, हे प्रकरण मिटवले जात असल्याचे त्याच्या पत्नीने सांगितले. ही घटना दुपारी १ ते १.३० च्या दरम्यान घडली जेव्हा कांबळी मद्यधुंद अवस्थेत त्याच्या वांद्रे फ्लॅटवर आला आणि त्याने आपल्या पत्नीला शिवीगाळ केली.कांबळी आणि त्याच्या पत्नीमध्ये घडलेली ही संपूर्ण घटना त्यांच्या १२ वर्षांच्या मुलाने बघितली आणि त्याचा मुलगा त्याला शांत करण्याचा प्रयत्न करत होता. पण कांबळी शांत झाला नाही आणि धावत स्वयंपाक घरात गेला. तिथून पॅनचे हँडल आणलं आणि पत्नीवर फेकून मारलं. पोलिसांनी सांगितले की, विनोद कांबळी यांची पत्नी आधी भाभा रुग्णालयात गेली. यानंतर गुन्हा दाखल करण्यासाठी पोलीस स्टेशनला पोहोचली. टाइम्स ऑफ इंडियाकडे एक एफआयआरही आहे. कांबळीचा मोबाईलदेखील आता बंद होता.हेही वाचा: आंद्रियाने पोलिसांकडे दिलेल्या तक्रारीत म्हटले आहे की, 'तो मला सतत धमकावत आहे. तो मला आणि माझ्या मुलाला शिवीगाळ करतो, मारहाणही करतो. स्वयंपाकाच्या पॅन हॅंडलने मारहाण केल्यानंतर त्यांने आम्हाला बॅटनेही मारहाण केली.' विनोद कांबळीला पोलिसांनी गेल्या वर्षी फेब्रुवारीमध्ये अटक केली होती. तेव्हा दारूच्या नशेत त्याने आपल्या कारसह दुसऱ्या वाहनाला धडक दिली होती.
