बेंगळुरू : इंडियन प्रीमियर लीग २०२३ चा ३२ वा सामना आणि यांच्यात होणार आहे. या सामन्यासाठी दोन्ही संघ बेंगळुरूच्या एम चिन्नास्वामी स्टेडियमवर भिडणार आहेत. अशा स्थितीत राजस्थान रॉयल्स संघ आरसीबीच्या घरातच हल्लाबोल करणार आहे. आयपीएलच्या १६ व्या हंगामात राजस्थान रॉयल्स धमाकेदार फॉर्ममध्ये आहे. या संघाने स्पर्धेत एकूण ६ सामने खेळले आहेत, त्यांपैकी ४ जिंकले आहेत आणि फक्त दोनच सामने गमावले आहेत. सततच्या दमदार खेळामुळे राजस्थान रॉयल्स पॉइंट टेबलमध्ये पहिल्या स्थानावर आहे.तर दुसरीकडे, आरसीबी हा संघ ६ पैकी ३ सामने जिंकून पाचव्या स्थानावर आहे. अशा परिस्थितीत आरसीबीला घरच्या मैदानावर राजस्थान रॉयल्सविरुद्ध आपली स्थिती सुधारायची असेल तर त्याला कोणत्याही किंमतीवर विजय मिळवावा लागेल. मात्र, त्याआधी चिन्नास्वामीच्या खेळपट्टीची आणि हवामानाची स्थिती कशी असेल ते जाणून घेऊया., Pitch Report: चिन्नास्वामी पिच रिपोर्टआरसीबी आणि राजस्थान रॉयल्स यांच्यातील हा सामना दुपारी होणार आहे. सामना दुपारी ३.३० वाजता सुरू होईल. चिन्नास्वामीची खेळपट्टी फलंदाजांना नेहमीच उपयुक्त ठरली आहे. याशिवाय लहान बाउंड्री असल्याकारणाने हे मैदान फलंदाजांना खूप आवडते. अशा स्थितीत या मैदानावर प्रेक्षकांना चौकार-षटकारांची भरपूर धमाल पाहायला मिळेल, अशी अपेक्षा आहे.दुसरीकडे, जर आपण चिन्नास्वामीचे विक्रम पाहिले तर हे मैदान आरसीबीसाठी खूप उपयुक्त ठरले आहे. या मैदानावर संघाने एकूण ८१ सामने खेळले आहेत, ज्यामध्ये ३८ सामने जिंकले आहेत, तर तेवढ्याच सामन्यांमध्ये पराभवाचा सामना करावा लागला आहे. त्याचवेळी ४ सामन्यांचा निकाल लागला नाही तर एक सामना बरोबरीत राहिला. या व्यतिरिक्त राजस्थान रॉयल्स संघाने या मैदानावर एकूण ८ सामने खेळले, त्यांपैकी ४ सामने त्यांनी जिंकले आहेत तर त्यांना २ सामन्यांमध्ये पराभव पत्करावा लागला आहे. त्याचवेळी दोन सामन्यांचा निकाल लागला नाही.चिन्नास्वामीच्या मैदानावर सर्वात मोठी धावसंख्या २३६ आहे. २०१३ मध्ये आरसीबी आणि पुणे वॉरियर्स यांच्यात झालेल्या सामन्यात ही धावसंख्या बनली होती. त्याच वेळी, या मैदानावर सर्वात कमी धावसंख्या ८२ धावांची होती. ही धावसंख्या २००८ मध्ये आरसीबी आणि केकेआर यांच्यातील सामन्यात बनवली होती.याशिवाय लखनऊ सुपरजायंट्सने त्याच वर्षी आरसीबीसमोर २१३ धावांच्या आव्हानाचा पाठलाग केला होता. अशा स्थितीत उभय संघांमधील हा सामना खूपच रोमांचक होण्याची अपेक्षा आहे.हवामान कसे असेल?एम चिन्नास्वामी मैदानावरील सामन्यादरम्यान आकाश ढगाळ असेल. २३ एप्रिलच्या हवामान अंदाजानुसार दिवसाचे तापमान ३७ अंशांपर्यंत राहण्याची शक्यता आहे. ढगाळ वातावरण असले तरी पावसामुळे सामन्यावर कोणताही परिणाम होणार नाही असा अंदाज आहे. अशा परिस्थितीत चाहत्यांना ब्लॉकबस्टर सामना पाहायला मिळणार आहे.
