नवी दिल्ली : भारतात दररोज पेट्रोल आणि डिझेलचे दर सरकारी तेल कंपन्यांकडून सकाळी ६ वाजता जारी केले जातात. राज्य आणि शहरानुसार वाह इंधनचे दर वेगवेगळे असतात. क्रूड ऑइलची किंमत आज शुक्रवारी वाढीसह व्यवहार करत आहे. डब्ल्यूटीआय क्रूड ऑइलबद्दल बोलायचे तर किमतीत ०.२० टक्क्यांनी वाढून प्रति बॅरल $६८.७० वर व्यवहार करत असताना ब्रेंट क्रूड ऑइलच्या किमतीत ०.१४ टक्क्यांनी वाढून प्रति बॅरल $७२.६१ वर व्यवहार करत आहे. कच्च्या तेलाच्या किमतीत वाढीनंतर अनेक शहरांमध्ये पेट्रोल आणि डिझेलच्या दरात बदल झाला आहे.पेट्रोल आणि डिझेलच्या किमतीइंडियन ऑईलच्या पेट्रोल पंपावर आज मुंबईत पेट्रोलचा भाव रु. १०६.३१ रुपये प्रति लिटर तर डिझेल ९४.२७ रुपये प्रति लिटर दरावर स्थिर आहे. तर दुसरीकडे कच्च्या तेलाच्या किमतीत वाढ होत असून ब्लूमबर्ग एनर्जीनुसार ब्रेंट क्रूडची जून फ्युचर्स किंमत प्रति बॅरल $७२.८८ आहे. WTI चे जून फ्युचर्स आता प्रति बॅरल $६८.९३ वर पोहोचले आहे.तुमच्या शहरातील पेट्रोल-डिझेलचा भाववाहन चालकांच्या सुविधेसाठी सरकारी तेल कंपन्यांनी दररोज पेट्रोल आणि डिझेलचे दर एसएमएसद्वारे तपासण्याची सुविधा उपलब्द करू दिली आहे. नवीन इंधन दर जाणून घेण्यासाठी, BPCL ग्राहकांनी SP<डीलर कोड> ९२२३११२२२२ वर पाठवावा. तर इंडियन ऑइलच्या ग्राहकांनी किंमत जाणून घेण्यासाठी RSP <डीलर कोड> लिहा आणि ९२२४९९२२४९ या क्रमांकावर पाठवा. तसेच HPCL चे ग्राहक ९२२२२०११२२ वर HPPRICE <डीलर कोड> पाठवून इंधनाच्या किमती जाणून घेऊ शकता. हा मेसेज पाठवल्यानंतर तुम्हाला काही मिनिटांत नवीन किमती कळतील.एप्रिल महिन्यात प्रति बॅरल ८७ डॉलरच्या पुढे गेलेले कच्चे तेल आता प्रति बॅरल ७० डॉलरच्या जवळपास व्यवहार करत आहेत. मात्र, देशभरातील पेट्रोल आणि डिझेलच्या दरांवर कोणताही परिणाम झालेला नाही. अशा स्थितीत कच्च्या तेलाच्या किमती कमी झाल्यामुळे पेट्रोल आणि डिझेलच्या दरात काही दिलासा मिळणार का? असा प्रश्न उपस्थित होत आहे.
