नवी दिल्ली: माजी भारतीय क्रिकेटपटू आणि इंडियन प्रीमियर लीग संघ चेन्नई सुपर किंग्सच्या (CSK) सर्वात यशस्वी फलंदाजांपैकी एक सुरेश रैनाचे नाव साठी लिलाव करण्यात आलेल्या खेळाडूंच्या यादीत आहे. १४ जून रोजी खेळाडूंचा लिलाव होणार आहे. श्रीलंका क्रिकेटने (SLC) सोमवारी आंतरराष्ट्रीय आणि देशांतर्गत क्रिकेटपटूंची यादी प्रसिद्ध केली. हे क्रिकेटपटू ३१ जुलैपासून सुरू होणाऱ्या पाच संघांच्या स्पर्धेदरम्यान लिलावात भाग घेतील. २००८ ते २०२१ दरम्यान आयपीएलच्या प्रत्येक हंगामात खेळला. तथापि, हा ३६ वर्षीय खेळाडू युएई मधून २०२० मध्ये स्वदेशी परतला होता. तेथे कोविडमुळे आयपीएल आयोजित केले जात होते. रैनाने २०५ आयपीएल सामन्यांमध्ये नाबाद शतकासह ५५०० धावा केल्या आहेत. सीएसकेशिवाय रैनाने आयपीएलमध्ये गुजरात लायन्सचेही प्रतिनिधित्व केले आहे. तो देशांतर्गत स्पर्धांमध्ये उत्तर प्रदेशचे प्रतिनिधित्व करत असे. भारतीय क्रिकेट नियामक मंडळाच्या नियमांनुसार, भारतीय खेळाडूला दुसऱ्या देशातील फ्रँचायझी लीगमध्ये खेळण्यासाठी सर्व प्रकारच्या देशांतर्गत क्रिकेटमधून निवृत्ती घ्यावी लागते. टीम इंडियाची उत्कृष्ट कामगिरीभारताचा माजी दिग्गज खेळाडू सुरेश रैनाने तिन्ही फॉरमॅटमध्ये भारतीय संघाचे प्रतिनिधित्व केले आहे. त्याने टीम इंडियासाठी १८ कसोटी, २२६ एकदिवसीय आणि ७८ टी-20 सामने खेळले आहेत. रैनाने १८ कसोटीत १ शतक आणि ७ अर्धशतकांच्या मदतीने ७६८ धावा केल्या आहेत. त्याच वेळी, एकदिवसीय सामन्यांमध्ये, त्याने ३५.३ च्या सरासरीने ५६१५ धावा केल्या आहेत. यात ५ शतके आणि ३६ अर्धशतकांचा समावेश आहे. याशिवाय सुरेशने टी-२० मध्ये १ शतक आणि ५ अर्धशतकंही केली आहेत. इतकंच नाही तर तो अर्धवेळ गोलंदाजही आहे. त्याच्या नावावर कसोटीत १३, एकदिवसीय सामन्यात ३६ आणि टी-२० मध्ये १३ बळी आहेत.
