नवी दिल्ली : वाहन चालकांची चिंता वाढवणारी बातमी आहे. जागतिक पातळीवर पुन्हा एकदा कच्च्या तेलाच्या (क्रूड ऑइल) वाढत्या किमतींबाबतची चिंता निर्माण झाली आहे. यावर्षी जूनपासून कच्च्या तेलाच्या किंमतीत किमान ३० टक्क्यांनी वाढ झाली असून दर ९७ डॉलर प्रति बॅरलच्या पुढे व्यवहार करत आहेत, जे यावर्षातील सर्वोत्तम दर आहेत. भारतासारख्या तेल आयात करणाऱ्या देशासाठी ही वाईट बातमी आहे कारण आपण आपल्या गरजेच्या ८५% तेल आयात करतो. अशा स्थितीत भारत या दरवाढीचा सामना करू शकणार का, असा प्रश्न उपस्थित होत आहे.कच्च्या तेलाच्या दरवाढीचे कारण कायसध्याच्या काळात जागतिक बाजारात क्रूड ऑइलच्या किंमती वाढण्याची अनेक कारणे आहेत. तेल निर्यातदार देशांची संघटना -ओपेक आणि त्यांच्या सहयोगी देशांनी - पुरवठा कमी करण्याचा निर्णय घेतला असून चीनमध्ये देखील तेलाची मागणी वाढली आहे. चीनमध्ये करोनामुळे लॉकडाऊन बराच काळ कायम राहिला, मात्र त्यानंतर देशात आर्थिक घडामोडी वाढल्या. तसेच अमेरिकेतील खर्चाची पातळीही मजबूत आहे.कच्च्या तेलाचा भारतात भडका उडणार?दरम्यान, कच्च्या तेलाच्या किमती आणखी वाढल्या नाहीत तरी त्याचा परिणाम इतर वस्तूंच्या महागाईवर होताना दिसून येईल. धान्यासह अनेक खाद्यपदार्थांची महागाई वाढली असून सरकारी महागाई आकडेवारीनुसार फक्त पेट्रोल आणि डिझेलच्या किमतीच जोडल्या जात नाहीत, तर मालवाहतुकीचा वाढलेला खर्चही जोडला जातो.व्याजदर वाढणारगेल्या एक वर्षांपासून रिझर्व्ह बँकेने व्याजदरात मोठी वाढ केली असून सध्या जगभर व्याजदर वाढीव ठेवण्याची सक्ती दिसत आहे. अशा परिस्थितीत रिझर्व्ह बँक जागतिक वास्तवाकडे डोळेझाकू शकत नाही. कच्च्या तेलाच्या चलनवाढीमुळे व्याजदरातील नरमाई सध्या दिसत नाही. तसेच व्याजदर चढेच राहिल्यास त्याचा देशाच्या विकासाशी तडजोड होऊ शकते ज्यामुळे कर्जदार महागडे कर्ज टाळू शकतात.रुपयाची वाटचालरिझर्व्ह बँक भारतीय चलनावरही लक्ष ठेवून असेल. भारताकडे परकीय चलनाचा मोठा साठा आहे पण, तेल खरेदीसाठी अधिक परकीय चलन खर्च होऊ लागल्यास ही चिंतेची बाब ठरू शकते. डॉलरच्या तुलनेत रुपयाने नुकताच ८३ चा टप्पा ओलांडला असून चलनाच्या या कमजोरीमुळे प्रत्येक आयात महाग होईल.
