नवी मुंबई : सर्वोच्च न्यायालयाने मराठी पाट्यांसदर्भात दिलेल्या आदेशाचे पालन नवी मुंबई शहरामध्ये होताना दिसत नाही. कारण अद्यापही दुकानांवरील पाट्या या मराठीमध्ये पाहायला मिळत नाहीत, इंग्रजी अक्षरात ठळक नावाच्या पाट्या झळकतात. पालिका आणि पोलीस यांच्यावर दंडात्मक कारवाई करणार असल्याचे बोलले जात आहे. मात्र या दुकानदारांची पाट्या मराठीत करण्याची हालचाल पाहायला दिसत नाही, अनेकांना तर दुकानांवरील पाट्या मराठीत करायच्या आहेत हेच माहिती नसल्यासाचे अनेक ठिकाणी समोर आलं आहे. मनसेचे कार्यकर्ते दुकानदारांनी लावाव्यात यासाठी अधिकऱ्यांना निवेदन देत आहेत तर काही ठिकाणी चौकशी करत असतना बेधडक मनसे स्टाईलने उत्तर देताना पाहायला मिळत आहेत. नवी मुंबईतील खारघर परिसरामध्ये दुकानाच्या पाट्या इंग्रजी मध्ये अजूनही पाहायला मिळत आहे, त्यामुळे न्यायालयाने दिलेली मुदत संपून देखील अद्याप मराठी पाट्या का लावण्यात आला नाहीत असा प्रश्न मनसे पदाधिकारी गणेश बनकर यांनी करत ज्या दुकानदारांनी मराठी पाट्या लावलेल्या नाहीत त्यांना जाब विचारत दुकानाच्या नावांना काळे फसले. लवकरात लकवर दुकानांवर मराठी पाट्या लावा नाहीतर मनसे स्टाईलने उत्तरं देणार असल्याचा इशारा दुकानदारांना दिला आहे. दुकानांवरील पाट्या मराठीत असाव्यात, अशा सूचना सर्वोच्च न्यायालयाने दिल्या होत्या. राज्यभरात या निर्णयाच्या अंमलबजावणीसाठी मुदत देण्यात आली होती. त्यानुसार पनवेल महापालिकेने आपल्या क्षेत्रातील दुकानधारकांना सात दिवसात मराठी पाट्या लावण्याबाबत जाहीर आवाहन केले होते. मात्र, दुकानदारांनी त्याकडे दुर्लक्ष केल्याने आक्रमक झालेल्या मनसे कार्यकर्त्यांनी खारघरमधील काही दुकानांना काळे फासले आहे. तसेच नवी मुंबईतील सिवूडस मॉल मध्ये देखील मनसे च्या कार्यकर्त्यांनी आंदोलन केले, यावेळी मराठी पाट्या वरून नवी मुंबईत महाराष्ट्र नवनिर्माण सेना आक्रमक झालेली पाहायला मिळाली. सीवूड मधील ग्रँड सेंट्रल मॉल मध्ये मनसे कार्यकर्ते घुसले.मॉलमध्ये मनसे कार्यकर्त्यांची जोरदार घोषणाबाजी केली. मनसे कार्यकर्त्यांनी मॉल प्रशासनाला जाब विचारला आहे. पुढील दोन दिवसात मराठी पाट्या लावा अन्यथा मनसे स्टाईल आंदोलन करणार असल्याचा इशारा मॉल प्रशासनाला इशारा देण्यात आला आहे. Read Latest And
