नवी दिल्ली : भारताने पहिल्या वनडे सामन्यात दणदणीत विजय मिळवला. भारताचा हा पहिला सामना रविवारी झाला आणि तो दुपारी १.३० वाजता सुरु झाला होता. पण आता भारताच्या दुसऱ्या वनडे सामन्याची वेळ बदलली आहे. कारण भारताचा दुसरा वनडे सामना हा दुपारी १.३० वाजता सुरु होणार आहे. भारताचा दुसरा वनडे सामना नेमका किती वाजता सुरु होणार, याची माहिती आता समोर आली आहे.भारताचा दुसरा वनडे सामना आणि आयपीएलचा लिलाव एकाच दिवशी म्हणजे १९ डिसेंबरला होणार आहे. आयपीएलचा लिलाव हा भारतीय वेळेनुसार दुपारी १.०० वाजता सुरु होणार आहे. त्यामुळे कदाचित या दुसऱ्या वनडे सामन्याची वेळ बदलण्यात आली असावी, असे म्हटले जात आहे. कारण हा दुसरा वनडे सामान आता दुपारी लवकर सुरु होणार नाही. हा सामना आयपीएलचा लिलाव संपल्यावर होऊ शकतो, असे म्हटले जात आहे. या दुसऱ्या वनडे सामन्यासाठी मैदानाची पाहणी करण्यासाठी पंच दुपारी ३.३० वाजता येतील. सामना सुरु करण्यासाठी मैदानात कोणतीही अडचण नाही ना, हे यावेळी पंचांकडून पाहण्यात येईल. जर पाऊस पडला असेल तर मैदान कधीपर्यंत सुकवले जाऊ शकते आणि सामना कधी सुरु केला जाऊ शकतो, हे पंचांना पाहावे लागेल. पण जर पाऊस नसला तरी पंच टॉससाठी दोन्ही कर्णधारांना आमंत्रित करतील. दुसऱ्या वनडे सामन्याचा टॉस हा दुपारी ४.०० वाजता होईल. टॉस झाल्यावर दोन्ही कर्णधार आपले संघ जाहीर करतील. त्यानंतर दोन्ही संघांतील खेळाडू हे काही वेळ सराव करतील आणि त्यानंतर सामना सुरु करण्याची तयारी केली जाईल. टॉस झाल्यावर अर्ध्या तासाने म्हणजेच दुपारी ४.३० वाजता हा सामना सुरु करण्यात येणार आहे. त्यामुळे आयपीएलच्या लिलावानंतर चाहत्यांना भारताच्या वनडे सामन्याचा आनंद घेता येणार आहे.भारत आणि दक्षिण आफ्रिका यांच्यातील पहिला वनडे सामना दुपारी १.३० सुरु वाजता झाला होता. पण दुसरा वनडे सामना मात्र दुपारी ४.३० वाजता सुरु होणार आहे.
