अनेकदा असं होतं की, आपल्या आयुष्यात सगळं सुरळीत चालेलं असतं, परंतु अचानक अपयश येण्यास सुरुवात होते, व्यवसायात मोठा तोटा होतो. अचानक एखादं मोठं आर्थिक संकट निर्माण होतं. आरोग्याच्या समस्या उद्भवतात. काहीही कारण नसताना पती-पत्नीमध्ये सतत वाद होतात. घर अशांत बनतं, अजूनही काही अकस्मात संकट येतात. तेव्हा आपण सहज बोलतो सगळं सुरळीत चाललं होतं, पण माहिती नाही कोणाची नजर लागली ते. नजर लागते म्हणजे काय तर आपलं सगळं सुरळीत चाललं आहे, हे एखाद्या व्यक्तीला पहावत नाही, तो आपली ईर्ष्या करतो, आपल्याबद्दल वाईट चिंतन करतो. त्याचा परिणाम असा होतो की आपल्या घरात नकारात्मक ऊर्जा निर्माण होते, आणि या नकारात्मक ऊर्जेचा आपल्यावर तर परिणाम होतोच, मात्र आपल्या कुटुंबातील इतर व्यक्तींवर देखील त्याचा परिणाम होतो. त्यामुळे अशा वाईट शक्तींपासून बचावासाठी काय उपाय करावेत याबद्दल फेंग शुई शास्त्रामध्ये सांगण्यात आलं आहे.
जर एखाद्याची दृष्ट लागली तर काय होतं?
दृष्ट लागणं किंवा ज्याला आपण नजर लागणं असं म्हणतो. त्यामुळे तुम्हाला थकवा जाणवतो, तुमची चिडचिड होते. तुमच्या प्रत्येक कामात अडथळे येऊ लागतात. हळुहळु तुम्हाला तुमच्या कामामध्ये नुकसान होऊ लागतं. त्यामुळे अशा प्रकारची नकारात्मक शक्ती दूर करण्यासाठी वास्तुशास्त्रात अनेक उपाय सांगण्यात आले आहेत, तसेच ते फेंग शुईमध्ये देखील सांगण्यात आले आहेत. त्याबद्दल आज आपण माहिती जाणून घेणार आहोत.
नकारात्मक ऊर्जा नष्ट करण्यासाठीचे उपाय
फेंगशुईमध्ये नकारात्मक ऊर्जा नष्ट करण्यासाठी अनेक उपाय सांगण्यात आले आहेत. फेंग शुईनुसार जर तुमच्या घरात काही टाकवू किंवा फुटलेल्या वस्तू असतील, किंवा बंद पडलेलं सामान असेल जसं की बंद पडलेलं घड्याळ, बंद पडलेलं एखादं इलेक्ट्रॉनिक किंवा इलेक्ट्रिकचं उपकरण तर अशा स्थितीमध्ये या नकारात्मक स्थितीचा प्रभाव हा दुप्पट होतो, त्यामुळे जर तुमच्या घरात असं कोणतंही सामान असेल तर ते वेळीच घराबाहेर काढावं, तसेच फेंग शुईनुसार जर तुम्ही तुमच्या घरात लाफिंग बुद्धा तिन पायांचं बेडूक जर ठेवलं तर तुमचं वाईट शक्तींपासून संरक्षण होतं. तसेच जर तुम्ही तुमच्या घरात धातुचं कासव ठेवलं तर तुमच्या घरातील सर्व प्रकारची नकारात्मक ऊर्जा नष्ट होते, असं फेंग शुईमध्ये सांगण्यात आलं आहे.
